Pls Share: Atu naite ah Hakha lamzawhmi Minung 14 an tlaih cang hna-VIDEO

Chin News

VIDEO timi hmet piak law video zoh khawh a si lai. A poi taktak nihin lawngah Haha ah an tlaihmi hna hi minung 11 an si cang tiah thawng kan theih. Hakha Town dawr chungah aa dormi a tlawmbik minung panga an tlaih hna tiah theih a si fawn. An hmuhmi hna paoh an tlaih caah hna i ralrin taktak a herh cang.

May be an image of outdoors and text that says "POLICE POLICE OLICE: POLICE POLICE POLICE POLICE mytelpay YOLO Bakery စိတ်ချငွေလွှဲ"

The Hakha Post: Breaking News: Hakha Town dawr chung ah aa dor mi a tlawmbik minung panga an tlaih hna. Nihin Hakha i tlaih a tongmi minung 11 an si cang. The Hakha Times nih a taar ve ning ahcun, ‘March 1, 3:15PM tiangah minung 14 an tlaih  hna. Mitthli bomh a thlah, meithal zong an puah, tiah a taar ve.

May be an image of one or more people, people standing and sky

Tuni thawngpang: Hakha ah ralkap/palik mi ngiathlaitu a si lai tiah an lunghrinhmi pa mipi nih an tlaih. Biahalnak tuah ding in an kalpi. A konglam tlamtling in kan rak ttial tthan lai. Phun Sang-The Chin Journal

CDM thawnnak caah caan karlak cozah (Interim Government) ser a herh. Tuzing Dr.Sasa VOA interview an tuahmi ah caan karlak cozah (interim government) dirhnak kong a thluamtlam in a chim. Fully support ka pek hna.CDM a thawn khawh chinnak ding le pehzulh khawhnak ding ahcun caan karlak cozah ser a herh.

Caan karlak cozah a dir khawh ahcun ramdang palai thlahmi vialte zong ramkip nih rak cohlan dingah lam ai awng lai.Ralkap thlahmi palai pawl an cohlang hna lai lo.Cutikah ramdang pressure nih ralkap cu mangkhong bantukin pakhat hnu pakhat in a nenh hna lai.Cun UN zongah phung ning tein bia chimnak nawl an ngei kho lai.

NLD party nih tulio kan boruak ah caan karlak cozah dirh duh loin 2020 thimnak ah mipi thimmi teitu kan si ti lawng an i tlaih ahcun ram pumpi dawtnak nakin power lawng a duhmi Party zong an lo sual lai.Ralkap dohnak ah NLD lawng in a si khawh lo zia cu a fian ko caah lam thar kawl an hau.

NLD nih Rakhain mipi an lung an ton lo mi hna tiang ruah ahcun caan karlak cozah ser khawh ahcun lung i hmuh thannak lam zong a um kho men.
Caan karlak cozah ahhin Daw Suh le President cu house arrest in an um caah anmah tel loin a si kho maw? timi bia halnak a um kho.Cucu anmah NLD lei hruaitu biakhiahnak a si lai.

Tlangcung mi mifim tampi an um i anmah zong caan karlak cozah ah an i tel ve a herh.Cutik lawngah 2008 phunghram ah kir ti loin kawlram mipi vialte nih ralkap thahri hram vialte hrawhnak ding caah CDM cawlcanghnak kan tuahmi ah a kan funtom chin chin lai.

Kan i hmuitinh mi tlamtlinnak taktak tiang phak ding ahcun hruaitu kan herh i cu a kan hruaitu ding ahcun caan karlak cozah ser hi a phi (solution) a si ti hi keimah pumpak ruahnak a si. Source: Salai Tin Maung Win

Leave a Reply