Kalaymyo, Miangsung khua pawng i lo ah nam in sawhnak hliamhma hmun 6 tuarmi Salai Elijah Lal Tan Pui kum 23 cu Tangkawng 20 hringtu a nu nih a ruak in a char tiah thein a si. Thil umtu ning cu tlangval Lal Tan Pui le a nu Tlem Cin nu an lo ah mepi le purun hna tuh in lo ah cun an riak. Tangkawng 19 zaan ah Pi Tlem Cin cu loin khualei ah a tlung i afapa Salai Elijah Lal Tan Pui lawng lo ah cun a riak. A nu Tlem Cin cu Tangkawng 20 ah lo ah cun a kal tthan i an thlam ah thi a hmuh.

Cuti i thisen a hmuh tikah an lo pa pawl cheukhat hna a auh hna i fapa Elijah Salai Lal Tan Pui cu an kawl. Caan saupi an kawl hnuah hmunkhat Leikuang pawngah thisen he aichiahmi Lal Tan Pui ruak cu an hmuh. Cuticun khuabawi le khua upa hna sinah an chimh hna i khuabawinle khua upa pawl nih cun palik sinah theihternak an tuah ve cawlh i Lal Tan Pui ruak cu tuzing suimilam 12 ah vui asi cang.

An thahnak hmun.

Miangsung khuami Pu Ral Lian Mang nih a chimmi cu ” Salai Elijah Lal Tan Pui taksa cu nam in sawh le ahnak hliamhma in a khat. A hmaiah hmun 2 le a lu ah hmun 4 in nam hliamhma a tuar. Keimah hmanh nih saupi ka zoh ngam lo. Thah a si hlanah a cawpi a tlau i a kawlnak ah kiangkap mi biaalnak tete a ngei pah. A hliamhma zoh tikah biaalnak in athawkmi si dawh asi. Zeiruangah ti ahcun ahmasabik nam i an ah/tuk ah a kut in a rak kham ti theih khawh a si. A kut orhlei a kut zung pahnih a tan. Amah Salai Elijah Lal Tan Pui hi mi nunnem a si i mi teima ngaingai a si. Fapa ngeihchunte a si i chungkhar reithei sifak ngaingai an si. Zalen