Tutan thawngpang kan rak tarlanghmi hi Vapual Auaw pages ah an kuatmi a simi i mipi an theih hngalh khawh ve nakhnga kan thlahpiak tiah an fial i, midang sinin voi 3 tiang cakuat an hmuh rih caah a tu bantukin an rak tarlangh hi a si. Miphun dang hmanh nih tuahmi si loin, Chinmi nih kanmah Chinmi lila hi ko i von i tuahto cu lung a fak i ngaih achia hringhran.

Nungak Sui Sui cu Singapore ah kalding ti asinain, China leiah kal dingin an soisel ṭhan i cuticun China ahcun a kal i China a phak cu Chinese pasal dingah an zuar tu a si diam ai. Nothawng thlathok in kutthlak le velh a ton lengmang i, tuar kho loin an zuarnak hmun in a zaam. A zaam thawng cu amah a zuartu hna nih an theih tikah Sui Sui hmutu le an sinah thawng a thanhtu cu China tangka tam taktak phalh dingin bia an kam hna ti a si.

China i Sui Sui a zuartu cu Thin Hnem a si i China ah pasal ngeimi a si. Kan Laimi tampi zongah China ah pasal ngei in a ummi an um pah leng cang. Cheukhat cu atu bantuk zuar tiang an ton. A cheukhat cu anmah duh tein pasal a ngeimi zong an rak um ve i China i pasal an ngeih hnuah puaisa rian an ṭuan beh. Chinmi lila nih chinmi mi ramdang pasal caah zuartu tuk a sum i ngaihchia taktak khi a si. Chirhchan: Vapual Auaw