Thlalau thawng : Pi Tha Iang nih Lungthli ruah loin mual a kan liam taak.

Pu Rual Peng i a thaisung Pi Tha Iang (Philip nu) nih Lungthli ruah loin tuzing deilei 3am hrawngah a ihnak hmun ah mual a kan liamtaak e. Pi Tha Iang hi Hakha Peng CinKhua ah khua a sami Pu Ceu Tthai le Pi Sui Tial hna i an fanu hniang a si. Amah hi Melbourne Nichuah lei ah khua a sami le VCBC Khrihfabu chungtel a si. Pi Tha Iang hi Melbourne khua ah khua a sami Pu Lai Uk Nawl, Pi Caan Kip Sung, Pi Cer Hliang, Pi Dawt Thluai Meng hna i an nau hniang a si. Pi Tha Iang le Pu Rual Peng hi Fapa pahnih an ngei I Philip Biak Peng Mang- 4 le Victor Cung Lian Hup, thla 3 te lawng a si rihmi an si.

Pi Tha Iang hi a dam ko. Zaan zongah a u le he an I leng hna i nuam tein bia an I ruah. Zan suimilam 9pm hrawng zongah an pa he telephone in tha tein an i chawn ko. An pa hi zaan riantuan a si caah tlai hnu ah inn a lawi citicun ruahlo tuk in ihnak ah a kan liam taak si a si. A fahniangte Victor hi thla 3 telawng asi fawn tikah ngaih a chia i lung a kuai khun ko.

Cucaah tuzan 6:30pm chungkhar hnemhnak le thutpinak caanhman a si lai. Ahmun: VCBC Biakinn Acaan : 6:30pm Chungkhar lenkainak le thutpinak : Adress: 23 Silverley Road. Croydon 3136.

Pehtlaihnak : Rev Japheth Lian 0421 459 992( Church Pastor) Pu Lai Uk Nawl : 0451 693 914 Ruakvuinak Program kong a fiang kho rih lo. Chungkhar hna cungah Bawipa daihnak um hraam ko seh. Ngaihchiatnak tuarpi buin, ACCEM. Ref: Australia Chin Community -EM. Note: Chungkhar leinih a rem lo ti ahcun hlonh khawh tthan a si.

A tang hi Nusung Hranglung nih hngakchia pa kong a chimnak si. Ngaihchia kho taktak: Pate Sorry mu!: Na nu he nanmah pahnih lawng innkhan chung nan ih i a thaw an dih tak hnu i nangmah te lawng na ttah len lio kong ka ruah ah ka ngaihchia tuk! Ka zaang na fak tuk, kan pom lio i na kut naa dawp ahkhan ka celh lo, pehtlaihnak a ngei lomi keimah hmanh na ka ttahter ko e, pate aw. Hringtu nu ka si rih lo nain kan zoh kho hrim lo.

Ka nu a um ti lo ti na theih caah maw mah ti naa tuah thiam, mi leng paoh na kan nih hnawh i na kan mirh hnawh, a ttap zong na ttap lo. Na nu nih na ttah lio ah an domhtlaih khawh ti lo lio, na pa lawi hnu tiang na ttah ahkhan, ka nu hi ziah a ka hnemh hnga lo na ti ve ttheo lai. Na nu zong a rauthla in a celh ve hrim hrim lai lo. Thaizing cu ka fa te he nuam tein kan tho tti lai ti cu a ruah ve ko lai nain.. Pathian khuakhan theihthiam a har tawn e😭

Pate, Na nu he hin lo a kal tti tawnmi kan si. Kan i kom tuk lo nain ai mirh hnawh tawnmi te kan si. Ka ttang te ah kan pom manh, ka lungdi a riam tuk! Pehtlaihnak kan ngei lo nain lawi tak lai kan siang lo. Na pawng te ah in umpi na ttah caan paohah i hnem ning ti ka duh nain😭 keimah bantuk ngakttah siding cun kan ruahpiak kho hrim hrim lo Nain dawtu tam tuk na ngei manh i hna a ngam deuh e. Pate, na upa he na pa he Bawipa nih tthawnnak in pe hna seh mu.