Pi Sangte Nufa Bawmhnak An Pekmi $7,729 A Chuak Cang

Chin News

Pi Sangte Nufa Bawmhnak An Pekmi $7,729 A Chuak Cang

Pi Sangte te nufa hna cu tuzing suimilam 12 ah a chuahkehnak khua Farso falam peng a phan i, khuami nih lunglawm taktak in an rak don. A sunglawi taktak, zohchun awk tlak bak an si. An khua pawl nih cun Kalay-Falam Farthing cetzung in an rak ton i an caah thla an rak cam piak in lunglawmh tein an kut za an rak tlaih hna.

Sangte te nufa hna cu Kalaymyo in tuzing sumilam 12 pm ah an khua an phan i, Malaymyo ah a ummi an chung le pahnih nih an chuah kehnak khua Farso tiang an thlah-zulh ve hna. Kalaymyo an um chungah Sangte te nufa hna cu Kalay Medical Checkup zong ttha tein an ngeih hna i, an chungah zeibantuk zawtfahnak hmanh an hmu lo an ttha ko tiah Siibawi te nih an chim.

Image may contain: 4 people, people standing and outdoor

Farso khuami hna nih zohchun awk tlak taktak an si ko. Hibantuk taitai i dawtnak le zawnruahnak an ngeihmi hi i cawn awk tlak bak asi. Sangte te nufa hna zong sifak santlai lo te sihmanh sehlaw, khuami hna nih thlacamnak he an kut an rak tlaih tik hna ah anmah zong an i lawm lai tiah ruahchannak a um. Pathian nih hi hnuhmailei an lam tluan ah a kutcak tthawn he lamhruai ko hna seh!

Amah hrimhrim nih hatsatnak a ton ning aa chim phuan tikah zaangfak taktak khi a rak si. Cucaah Salai David NuN Tho nih Gofundme in bawmhnak a hal piak tthan i a tu hi a dihlak in a chuak $7,729 cang. Sangtei te nufa hna caah na kut rak samh ve ko rih $4-5 nih na bawmh hna zongah an caah tthathnemnak tampi a um.

Hika link ahhin bawmhnak pek khawh asi. https:https://www.gofundme.com/f/ TNMLu2OVIBD1k

Leave a Reply