Kan dawtmi Pi Mah Ṭha u Pu Caw Khal (tleicia) le Pi Si Hnem (tleicia) nih an ngeihmi Fale paruk lakah a hningbik a si. June 1.1978 ah Hniarlawn khua ah a chuak. Achuahpi ule min cu : (1) Ni hnar, (2) Pu Ceu Tum, (3) Pi Ṭial Hai, (4) Pu Tuang Zel le (5) Pi Hnem Ci an si. Lai lei ah khua an sa cio.

April 11, 1996 ni ah Pu Chung Hu he ṭhitumnak an tuah i Pathian nih fanu fangkhat Par Hluan Tial le fapa fangkhat John Van No Peng thluachuah a pek hna. 2009 kum ah an chungkhar in U.S Spokane, Washington an phan. 2010 ah Indianapolis ah an rak i ṭhial.

Parku nu hi U.S a phanh ka in lunglei damlonak a nrak ngeih caah sibawi te nih Major Operation (Heatr Valve Replacement Surgery) voihnih an rak tuah. Pathian zaangfahnak in a hung dam i 2012 in nizaan tihni tiang changreu sernak company (Conagara) ah rian a ṭuan.

Atutan i sualpang a tonning cu hitihin a si. February 04,2020 (Tuesday) ni ah an sin i a ummi, an fapa Van Bawi Er nih ruahlo tuk in a lu ah a tuk i mahhngallo in a um hnuah, Ambulance Eskenazi sizung ah a tlikpi. Sibawite nih surgery ant uah i an thimanak sangbik in an i zuam ko nain dam ko ti loin, a nihrannak February 13,2020, 6:32pm ah a nunak thaw cu sertu Pathian sinah aa din.

Hma a hmuahtu Vaal Van Bawi Er hi Parku nu i a chuahpi a u Pi Ni Har fapa a si. Malaysia a um lio ah inn chung dot in a tla i faak ngain a lu a rak i khawng. Cu hnu cun, a hlan bantuk in a lugnthina dam thiang ti lo. U.S a phanh hnu zongah sibawite an zohter tawn hna nain a zei ngaingai a ti an hngalh manh lo. A tu cu Marian County Jail ah an chiah lio a si.

Kan dawtmiParku nu a a psal le a fale caah ringtu Nu ṭha a si. Mi nunṭha a si caah khuami le innpa chakthlang nih siseh, a rianṭuanṭi hawi le an pule nih siseh an dawt, tlaihchanmi a si. Hibantuk in ruahlo tuk in mual a kan liamtaak hi cu a chungkhar, khuami le Khrihfabu nih kan siang hrimhrim lo.

Note: Hihi Siang Tling timi nih a tarmi chungin lakchinmi a si.

Video timi ah rak hmet law a ruak an tthutpi lio zoh khawh asi.