Hmun kip um nulepa ulenau hna, nizan i kan rak thanh cang bang in kan Khrihfabu chung in ngaihchiatnak kan tong. Kan dawtmi Pi Mah Ṭha (Pu Cung Hu nupi) cu February 3, 2020 chun ah an sin khuasa, a u fapa nih a lu ah a hliam i, Eskenazi sizung ah zarhkhat leng a um hnu ah dam lei panh kho ti loin, nizan zanlei (Thursday Feb. 13, 2020) Sml 6:40pm ah kan sian lo tuk bu in hi vawlei nunnak in a kan liam tak.

Khrihfabu kan ngaihchia hringhran ko. Pi Mah Ṭha nih fanu pakhat le fapa pakhat a roh tak hna. A va le a fale ca ah thla cam cio hna usi. Pi Mah Ṭha a ruak cu funeral home ah kalpi hmasa loin, Coroner’s office ah an kalpi i, nihin (Friday Feb. 14, 2020) chun hrawng ah cun ruak chiahnak inn (funeral home) ah a phan kho lai, tiah an kan ti.

Cucaah, chungkhar nih, tu zarh Zarhteni (Saturday) ah thlan tla kho ding in kan duh ko tiah an kan ti caah, cuti i fimtawl kho ding in khua khan a si. Kan i ṭhutpi ning cu a tanglei bantuk in a si lai. A Ni. : Friday Feb 14, 2020 (Tuzan). A Caan: 6:00 PM. A hmun: ICBC Biakinn. 8528 Madison Ave. Indianapolis, IN 46227.

Note: Funeral service cu tu zarhteni ah a si ko lai, a caan kong tu cu bia a fian deuh lecangka kan in thanh ṭhan te hna lai.

THAWNGTHANHNAK: Kan dawtmi ICBC chungtel hawi Pi Mah Ṭha (Parku nu, Pu Cung Hu nupi) cu khuasual a tonnak hliam hma tuar kho ti lo in tuzan February 13 6:40pm ah a kan dinh taak cang. Khrihfabu kan ngaihchia ngaingai. Ṭhutpi ning le a ruak bultawl ning cu fiang deuh in kan thanh ṭhan te lai. Ngaihchia chungkhar Bawipa nih umpi in hnem hraam ko hna seh! Indiana Chin Baptist Church