Pi Lal Din Par: Benjamin Sum Winner Asi Lo Mi Hi Ka Lungsi In Ka Diriam Tuk. Benjamin Sum hringtu nu Pi Lal Din Par biachim mi cu lung a tling kho tuk. Hi a biachim hrim hin Pathian aa bochan i, a lungput le nunning hrim hi Laimi tampi nih cawntlak le nunpi tlak taktak asi. Tutan Myanmar Idol Season 4 Grand Final kong he pehlaiin a fapa Benjamin Sum winner asi lomi kong he pehtlaiin a chim mi biafang cu lungtling tuk.

Kan theih bantukin nizan ah Myanmar Idol Season 4 zuamnak cu lim asi. Benjamin Sum zong Grand Final ah aa zuam ko nain teinak “Winner” tiang cu a phan kho lo. Benjamin Sum a sunghnak kong he pehtlaiin Pi Lal Din Par cuMedia pakhat nih Myanmar Idol Winner konghe pehtlai in biahalnak an tuah i, Pi Lal Din Par nih fiang tein a lungput a langhter mi ngeih tik ah upat tlak nusal taktak asi nak a langhter.

Pi Lal Dim Par nih a chim mi cu Myanmar Idol hlasak zuamnak ah kan tonmi le kan tuah mi vialte hna hi Pathian khuakhannak tangah a tthudir mi kan si caah Benjamin Sum Winner asi lo ruangah ka lung a fak lo. Cu pin ah amah Benjamin Sum hrimhrim a lung a fak lo. A ruang cu zeizong vialte hi Pathian khuakhannak tangah a um mi asi kha fiang tein a theih caah a si,”tiah Pi Lal Din Par nih a chim.

A chim rihmi cu, Myanmar Idol hlasak zuamnak a van fian dih cang tikah keimah zonghi ka phur a zaang dih ve cang. Benjamin Sum zong mipi nih thazaang an pek lawng si loin an ngeihchiah chawva vialte hmangin thazaang an pek mi ka hmuh tik ah ka lawmtuk. Hmailei zongah atu bantuk in ka fapa Ben Ben hi thazaang nan ka pek piak nak lai zaangfah kan nawl hna,” tiah a hringtu nu Pi Lal Din Par nih cun a chim. A tawifiannak in ttialmi asi caah fiang deuh in ngaih le theih duh mi caah a tangah video tawi kan rak chiahchih.

https://youtu.be/IkbdFKL6MK4