Nihin Rev. David Lah biaceih nak zung an rak chuah pi nak ah Phungki pa a rak ra ve i Media sinah bia an hal cu Kawl Buddhist pawl an lau dih ko. A ruang cu NLD Cozah fak tuk in a den hna lawng si loin Rev. David Lah dirkamh nak bia lei deuh a chim mi a lawh tikah mipi an lau len hi si. A chim mi bia hi a tampi nain a tlangpi in langhter ahcun “Rev. David Lah cu an tlaih nain ziah Yangon Ramthen Chief minister Phyo Min Thein an tlaih ve lo, Chief Minister Phyo Min Thein pei mibu tonnak a tuah ve. Cu ti a si ahcun Rev. David Lah taza an cuai nak mi Upadi hi a dik lo ti lei in a chim hi asi.

Rev. David Lah taza an cuai nak mi Upadi hi a dik lo, Kawlram minung dihlak cung ah tluk ruannak a um awk a si, Vuanci (PM) pawl ans i zong ah mi sawhsawh kan si zong ah Upadi tang ah cun aa khat dih mi kan si tiah Kawlram phungki pa nih Rev. David La kong ah a chim ve tiah Akon Thi Media nih a tarlangh.

Rev. David Lah le a hawile hna cu disaster management law (Kokek rawh relnak le puicimh nak ton lio ah zulh ding mi upadi) in taza cuai an si i hi kong he pehtlai in Magwe ramthen Phungki pa nih a tu bantuk hin a chim hi asi.

REv. David Lah lawng a si awk a si lo. Yangon ramthen Phyo Min Thein zong zong a si awk a si ve lo maw. Upadi taang ah Vuanci le mi sawhsawh timi a um lo. A si nain a tu thil an kal pi ning hi a dik lo. A dik lomi ka hmuh ruang ah tha tein ka zulhdawi ve cang, an cawlcangh ning le biaceih zung lei rianttuan ning zong ka ngiat peng. Cu caah nihin zong David La biaceih zung a chuahnak tiangah ka rak zulh ve hi asi tiah Phungki pa nih cun a chim

Phungki pa nih Rev. David Lah ka dirkamh timi biafang cu a hmang lo a si nain Rev. David Lah taza an cuai ahcun Yangon ramthen Cheif minister a simi Phyo Min Thein zong taza an cuai ve awk a si. Cu ti a si lo ahcun Rev. David La taza an cuainak Upadi hi a dik lomi a si tiah a chim hi asi. Video timi rak hmeh piak Ref. Akhon Thi (V.O.M)