Phungki pa nih Chinmi fak taktak in a kan phomh a fak taktak celh ding a si lo

Chin News

Kawl phungki Pa nih Chin miphun kan dirhmun, kan thinlung put kong a chim mi le, Miphun dang uknak taang ah kan um ko nain Miphun dang uk kan duhtuk rih ning kong a chimmi pawl cu thinlung a fak ngai. Hi Phungki pa bia nih hin Chin mi tampi thinlung thlen awk a si cang.

Image may contain: 5 people

“Chin miphun pawl cu Tlangcung miphun dang vialte nak in thinlung a thiangbik, milung thiang bik cu an si. A si nain Kawl Uknak taang ah caan saupi, kum zabu tampi an um cang ruang ah sifahnak nih faktuk in a den cang hna. Cu caah Kawl pawl Uknak taang ah lungfim loin an um rih peng i a Uk tu hna minung cung ah an lung lawmhnak lawng an langhter peng rih ko.

“Mah tein Uknak nawl ngeih ve nak ding cu an i timhtuah taktak rih lo bantuk in an chunmang zong ah a um rih lo. Zei asi hmanh ah fial nak hmun paoh ah a kal rih mi, cucu tuah, kha kha tuah ti mi paoh a tuah rih mi an si. Cu caah zeitin hmanh in a cawlcang kho ding le mah tein thazaang a sersiam kho ding miphun an si ti lo” ti hi a ṭial duhnak bik cu a si”.

Image may contain: 4 people

Hi Kawl Phungki pa a catial mi ah a fiang ngai mi cu Kawl pawl nih Chin miphun an kan hmuh ning thinlung kha a si. “Chin mi phun cu a mah tein aa Uk kho ding dirhmun an si ti lo. Kawl Cozah nih caan saupi a uk cang hna nain miphun dang nih an kan uk ti zong an thei lo i Kawl pawl cung ah lunglawmh nak bia chim lawng kha an rian peng rih” ti hi asi.

Ṭha tein vun ruah ahcun biafak taktak a si. Miphun puitling, nunphung le caholh tling he a um ve mi kan si nain kan dirhmun ruah ahcun lungfak a si. Tutan Phungki pa biachim hi ṭha tein zoh uhlaw zeitluk lungfak dah a si. Hi tluk in Kawl nih an kan hmuh ko nain, Miphun dang party caah biatak tein tlang kan au peng rih hi cu khuaruah har lei a si ko cang.

Halkha ah Pura thar an sak

Myanmar Idol Season-3 Winner a simi Phyo Myat Aung cu Laitlang Hakha ah a rak phan tiah amah pumpak timeline in theih a si. Hakha a phaknak kong hi a mah pumpak in social media ah a tar hnu ah theih cio mi a si.

Hakha a rak ratnak a ruang cu Hakha hrambunh, Phungki pa Birthday lawmhpi nak caah tiah Pura hlut ah a rak phak hi a si. Chin ramkulh khuapi Hakha ah a um mi Phungki pa kum(58) tlinnak, a chuah Ni (Birthday) lawmhpi nak caah tiah Phyo Myat Aung nih Pura a hlut hi a si.

Image may contain: 4 people

Hakha, hi Phungki Sianginn hmun ahhin Pura (4) a um cang i a tu Phyo Myat Aung nih a hlutmi tlamtling tein an lim hin cu Pura (5) nak a si cang lai tiah Chin ramkulh Cozah media nih an langhter. Myanmar Idol Season-3 Winner a simi Phyo Myat Aung nih a hlut mi Pura cu a tu hi sak hram an domh colh cang.

Image may contain: 5 people

Nizaan August 20, 2020 zinglei suimilam 7am in khan Inkil lung phunnak, Tlakrawh pawl timhtuah le chiahnak zong hram an thok colh cang ti asi.“Kan biakmi Buddhist mission rian in Laitlang, Hakha ah ka umnak hi kum 30 a si cang. A tu kum 58 ka tlinnak ni, ka chuah cemtuak philh lonak ah Myanmar Idol Season-3 winner a simi Phyo Myat Aung nih Pura hlutnak a tuah tikah kaa lawmtuk hringhran tiah Phungki pa zong nih cun a chim ti asi. Ref: V.O.M Journal

Note: Hi thawngpang hi Chin ramkulh Cozah media nih a langhtermi a si. Laica in a tawinak in rak ṭial chin ṭhan.

Leave a Reply