Vawlei cung thiamsang hna nih vawleipi buaitertu pulrai zawtnak Covid-19 khamnak thilri phuphun an hun tharchuah lengmang cang. Tutan zongah Scientists the University of kentucky hna nih Medical face mask thar, noviel crona virus that khotu le a tlai (caputure) khotu hmaihuhnak thar kan serchuah khawh tiang an chim.

Novel corona virus hi s-protein spikes nih a tuam i cu nih cun minung taksa (cells) chungah a lut kho tawn ti a si. Cucu University of kentucky scientists hna nih an thiamnak hmangin an serhcuahmi hmaihuh (mask) hi phundang te a si ve i ahmaileiah thil zeimaw an chiah lai i cu nih cun corona virus cu a thah khawh lai ti a si.

Hi hmaihuhnak hi an buaipi cuahmah lio i an hlawhtlin ahcun milions of frontline health care rianṭuantu (workers) hna nih an hman khawh lai. Dr Dibakar Bhattacharyya, professor of chemical engineering University of Kentucky, nih a chimning ahcun “Hi hmaihuhnak thar an serchuahmi hi a pan ngai i, corona virus zawtnak hrik a tlaih ah hin amah hi a muici (color) ai thleng lai,” tiah a chim.

Cun, Scientists the University of kentucky phu nih hin corona virus dohnak dingin i an rianṭuannak caah tiin National Science Foundation sinin bawmhnak phaisa $150,000 grant an hmuh. Hi hmaihuhnak hi an tlamtlinh ko ahcun ruahchannak tampi a um. Phundang ngai a simi cu Corona Virus zawtnak a tlaih paoh ah a muici phundang in ai thlen khawh ding hi a si.