PDF Phuhnih I Bawm In Ralhrang 23 Hell Ah An Kuat Hna Pinah A Nung In Pakhat An Tlaih Rih

Myanmar News

The Chin Post: Sagaing ramṭhen, Taze peng ah rallam a sialmi SAC ralkap le Kanhtuma palik camp cu July 27 ah Taze PDF ṭangṭi phu hna nih voithum an kah hna caah SAC ralkap le palik 15 hrawng an thi kho tiah Taze PDF sinin theih a si.

Rights group urges Facebook to suspend Myanmar military campaigns

Taze peng Ye Oo Kone khua pawng ah rallam a sialmi SAC ralkap pawl cu July 27 zing sml 10:50 hrawng ah Taze PDF ṭangṭi phu hna nih hriamngan le hriamhme in minutes 10 chung hrawng an kah hna. Ralkap a thimi an tam. PDF ralkap pakhat hriamngan nih a khen caah hliamhma hme a pu tiah theih a si.

SAC ralkap pawl cu July 27 chun sml 12:00 hrawng ah Chaungsone khua lei ah an kal i, PDF ṭangṭi phu nih an kah ṭhan hna. Cu pinah Taze peng Kanhtuma palik camp cu July 27 zan sml 10:50 hrawng ah PDF Battalion 6 nih hriamngan in voinga an kah hna i, palik a thimi an tam lai tiah an zumh.

“Nikhat chungah voithum kan i kap. Ralkap pawl cu a thimi an tam caah Kywinlay khua in motor nih a rak don hna. Kanmah lei in ralkap pakhat hliamhma hmete pumi a um ve” tiah PDF pakhat nih a chim. Taze peng July 27 ah kahdohnak voithum a chuak. Taze PDF, Shwebo Battalion 6-7-8 peng Pah Kah Phah le PDF hna i bawm in an kah hna tiah Taze PDF sinin theih a si.

Cu ṭhiamṭhiam in July 27 zanlei ah Sagaing ramṭhen Intaw peng KTV pakhat ah SAC ralkap pahnih cu KIA le PDF nih an tlaih hna tiah Indaw Revolution nih a langhter. Intaw peng Mawlu le Naba karlak ummi KTV ah zu a dingmi ṭatma 88 kuttang Battalion 416 in ralkap Chan Aye le Sergeant Thura Aung cu KIA le PDF nih an kah hna i, Thura Aung cu a thi. Chan Aye cu an tlaih tiah theih a si.

July 28 ah Sagaing ramṭhen, Kantbalu peng Ongchauklung khua pawng ah KLPDF B 1 Kawlin peng Pah Kah Phah Kantbalu pe Pah Kah Phah hna i bawm in zanlei sml 4:30 hrawng ah SAC ralkap cu bomb kan puahhnawh hna caah ralkap 7 an thi, tiah Kawlin Revolution KR nih a langhter.

Leave a Reply