PBK Liankhuma Min i “P” (PBK) Nih Hin Laimi A Sinak A Zahpi Lonak A Langhter.

Mizoram i a peemmi Lai mi tam deuh nih cun  sinak hi  an thuh deuh tawn. An thuh zong cu kap khat leiah cun an mawh lo, Mizo pawl nih an neek tuk hna caah a si.

Sihmanhsehlaw, mi lungfim nih  cun an sinak a tlau sual lai kha an duh lo. Mizo ram in Pathian hlasakthiam minthang pakhat a si vemi “Liankhuma” hi Lai thisen in hrinmi a si. A min hram ah “PBK” timi a um. Cucu, MIC USA nih tonbiaruahnak an ngeih ah a sullam an hal i, “Ka min hram bik ah ‘P’ sullam cu “Pawi” tinak a si i, PB cu “Pawi Bawi Thang” tinak a si e,” a ti. A youtube na zoh duh ahcun: PBK Liankhuma interview (MCI USA)

Cheu khat nih ‘Pawi’ ti cu ningzak le thinhun in laak a si lioah Liankhuma nih cun a min hram bik bakah a chiah ko. “Ka Lai unau” ti hi a chim zungzalmi a si.

Mi cheu nih cun Mizo nih “Pawih” an timi tham cu “Bawi” kha an chim thiam lo caah a si an ti. Nain, mah cu a va si ko zong ah mi zeirellonak le mi neeknak i an hman tikah ahohmanh nih chim zong kan duh lo, theih zong kan duh lo lioah Liankhuma cu phundang ngai a si. Anmah Mizo cheukhat nih cun “pawi” kan timi hi zeirelonak le neeknak ah kan hmanmi a si lo an ti.

Min a biapitnak a hngalh i, a unau a kan zahpi lonak le mi lungfim a sinak langhter duhnak a si.

Bia Tlaangpi: Pathian hlasakthiam, Mizo, Lai sinak, Min biapitnak

Credit: Ramlengchinmi