Alor Setar putar pakhat nih arpi a tlaihhrem (sualpi) lio cu Video an rak zeih i Youtube le Online ah an phozar. Atu lio video ah cun a lar cem si men lai. Sodom le Gomorrah nakin atulio minung hi ttihnung kan nung deuh cang ko lo hme maw ti hi ruah awk tlak ngaingai a si. Minung cu um rih seh, arpi hna sualpi cangmi hi cu a poi ko. Hih Malaysi ah a cangmi a si.

Prenang China Press nih December 11, 2019 ahkhan Youtube ah an rak thlah i a zohtu hi 35,358 a tling manh. Lampawng i inn pakhat chungah arpi cu a luhpi i a kikam te ah a sualpi diam ko. Amin le a konglam dang zeihmanh an chim lo caah kan vun langhter kho lo. Malaysia ram ah cun hibantukin phungning lo a si caah kum 20 chung thongthlak khawh a si. Video cu zoh a dawh lo tuk caah kan vun tar chih lo.

Kan vawleipi hi ruah lengmang ah caan chia chungah kan lut chin lengmang cang. A phuphun in buainak le hnahnawhnak a chuah chin lengmang cang. Pathianbia Bible bia zong a tling chin lengmang cang. Saram le inn zuat satil hmanh an him ti lo. A poi ngaingai ko. Kumkhat hnu kumkhat in ramkip ah buainak a chuak chin lengmang.