Pathian Rianttuantu Tam Deuh Cu Bible Hi Mah Nun I Zohnak Ah Hman Loin Midang Soiselnak Le Vatuk Nak Ah Kan Hman

Theihtlei

Thlalang

Image result for holy bible

Thlalang cu mi hmuh duh ah siloin mah le mah i hmuh duh ah i bih a si. Kan i bih tikah ka sam hriah hna a tha maw, ka hmai hna a hnawm maw, kan thilhruk hna zohchia sual maw tibantuk mah lei chambaunak hmuh i, i remh ding ruah ah kan i bihmi a si. James 1:23 ah Pathian Bia cu thlalang he a tahchunh.

Zumtu tampi cu Pathian Bia hi kanmah nun i bihnak siloin midang soiselnak le mi va tuk nak deuh ah a hmangmi kan tam. Keimah zumhning a dik, a nih zumhning a palh ti ah mi heh va soinak tu ah kan hman deuh theu. Kanmah nih kan i lehning le kan i fianming in a pom ve lomi poh kha zumhnak hman lo ah kan ruah dih hna. Kan mah kha a dik bik ah kan i ruat i midang cu va soisel len i a lung a fah zongah kan zei a poi lo. Cucu Jesuh nih a rak doh tukmi Farasi lungput a si. Jesuh kha vawlei a nun lio ah misual ti ah hmuhmi ngunkhuai khawl, hlawhhlang le mi thalo tampi nakin Farasi pawl deuh kha fak pi in a rak mawhchiat tawn hna.

Mi cheu cu mi zumhning le sining va soisel nih nuamhnak zong a pekmi kan lo ngai. Zumtu kan nunnak ah hin zei thil ka tuah ah hin dah ka di a riamh lai, kai lawmh lai i kai nuamh lai ti nakin zeithil ka tuah ah hin dah Pathian ai lawmh lai ti ruah hi a herh tukmi kan thlalang pakhat a rak si.

Laimi hi kan rak thannak Khrihfabu le zumhnak kha kan thisa ah kan i thanpi cang caah zeitluk kan i soi le kan i mawhchiat len zongah thlennak siloin thinhunnak le i alnak menmen tu a chuahpi ko lai – nangmah na duhning cun na thleng kho tuk lem lai lo. Kan i dan ko bu ah kan i khahnak tu kha biapi ah chia in le Khrihfa cia pakhat le pakhat i den len nakin Jesuh nih a kan fialmi zumlotu sinah thawngtha phuan ah hin Pathian a lung ai lawm deuh suaumau lai.

Credit: Liam Hram

Leave a Reply