Pathian nih ral a rak tei piak hna ning; Pathian nih a umpi hna ning kha an pawngkam ummi miphun dang/ram/an ral pawl nih an theih tikah Israel cu an ttih hna. (mah hi Bible biakam hlun ka rel caan ah ka hmuh pah lengmangmi asi.)Kan nih Chinmi hi teh? 90% nihhin cu Pathian, Israel Pathian cu, kan Pathian tiah kan biak/kan zumh ve ko ttung.

Zeiruang ahdah asi hnga? Chinmi cu Pathian nih a umpi hna kha, an pawngkam miphun dang pawl nih an theih tikah an ttih hna, tihi a um ve hnga lo? Pathian nih Chinram khi a umpi lo i maw si hnga; a daw ve lo i maw asi hnga? Chinram nih Pathian a lungtonlonak a tam ca ahdah asi hnga maw? Zeisat dah asi hnga? Mah a tang pawl hi ai tel sual hnga ma: Ram a rak deih deuh lio zongah Kawlram chungah ei-ruknak (corruption) a tambik nak hmun.

Khat le khat (hruaitu he hruaimi he) i hlenthawi/mah karkahuih (lies & manipulate) i tuahnak in a khahnak hmun. Mah zawn lawng i ruah (selfish) ngai in nun le lungput. Sifaak santlai lo deuh poah kha, pheo khawh chungin pheo; hnon khawh chung in hnon lanh taak khawh chungin lanh taak. Pathian kan biaknak min hmangin vawlei chawva/tintuknak caah lam phunphun in khoihvirh a tamnak hmun.

Pathian biaknak kha, mah duh hoih ningcanglo in kalpi/tuah (abuse) a tamnak hmun. Nihin Laimi kan problem bik cu kan nun ningcang/kan lungput/kan ziaza (moral) hi asi ko. Mah hi abiapi bikin i remh (fix) a herhmi asi ko, tiah ka ruah. (I think this is our most critical & pressing probem today.) Cattialtu: Van N Elizabeth