Pathian Cu Thlacamnak Le Cathiang Relnak In A Kawm Tammi Paoh Nih Asining An Theih!! Minung hi ruahnak a phunphun a ngei cio mi kan si hna i, cu ahcun a phunphun in tuah le ttuan mi kan ngei cio hna.CNA kongkau khi anmah CNF/A hruaitu hna he hmunkhat te i rian a ttuan lo mi hna nih cun a langtlaang in an si ning kha chim in sawisel len hmanh hna usilaw anmah CNF/A ah rianttuantu a si lo mi nih cun an sining cu kan thei kho ngaingai lo.

Cubantuk tthiam in NUG zong khi zeisetdah an i tinh mi a si ti mi hi achung ah rian a ttuan ve lo mi nih cun kan lunghrinh hna tiin au in an chim len tawn hmanh usilaw an i tinh mi le an tuahttuannak cu kan thei kho ngaingai lo. Anmah kong a thei taktak tu cu NUG i an member’s menmen asi mi nih a theih mi tluk hmanh khi NUG membar’s a si lo mi nih a theihnak naak cun an konglam a theih deuh ve men lai.

Tiva a um i ti a nawi caah a chung ah zeibantuk lung le thing dah a um ti mi hi tiva kam i a dir ko mi nih cun kan thei kho lo achungah lung le thing a um ko ti athei kho mi cu Tiva/Tili chungah a va pil mi pa lawnglawng nih lung a um thing a um ti kha a theih i a chim khawh. A chung i kan va luh lo le alut mi kan i tel ttunglo ahcun Tili chungah thing a um ko aum lo eh tiah kan ti leen zongah sullam ngei lo khi asi ko hnga. Cucaah Tili chung i a luut i thing le lung a um ti a thei mi nih a kan chimh mi zumh kha tha dam bik a si kohnga.

Cun Hi bantuk in Pathian dawtnak le zaangfahnak kong hi Cathiang/Bible rel lengmang lo le anung mi Pathian sinah thlacamnak ngeih leng mang lo ahcun theih khawh a si lo. Cucaah Pathian dawtnak chung i na um khawhnak ding le ka um khawhnak ding le Pathian nih a duhnak kha kan theih khawhnak ding ahcun Pathian cu Thlacamnak in kan kawmh tam a herh culawng si loin Bible zong kan rel tam chih kha a herh i cu ti kan tuah ahcun Pathian dawtnak le zaangfahnak le Pathian nih minung cung i a ruahnak hna cu kan theih fian deuhdeuh lai i,nitin kan nunnak zongah a mah Pathian nih cun thazaang a kan peek lai.Zeipaoh hi a chung i um le tlonlen lawngah fiang te in hmuh khawh le theih khawh asi. Kaalawm. By Tin Duh Thang