Pathian Ka Hngalh Hlan cun Cathiam Le Mi Uah Ka Rak Si, Bawipa Ka Hngalh Hnu Cun Saul Nun In Paul Nun Ah Ka Thleng-By Rev. Dr. J. No Mang

1. Pathian ka hngalh hlan ahcun mahtawk in cathiam mi, ai uah ngaimi ka si. Pathian nih mawtaw accident tonnak in a ka auh i, Pathian salpa Rev Van Hnuai Sum hmang in Pathian nih a dawtnak a ka hngalh ter. Cu ni thok in Saul nun in Paul nun ah kaa thleng.

2. Pianthar nun cu KEIMAH nun thlak a si. Jesuh lawnglawng ah i hngat a si cang.- 3. Peter le a hawile sur an cheh lio ah zan khuadei te an vorh tualmal nain an tlai lo. Minung leikap lawng in ttanlak hi zeitluk i zuam zong ah tlam a rak tling lo.

4. Jesuh nih a thuhnak lei ah van vorh u a ti hna tik ah, NA BIA A SI AH CUN KAN CHEH KO LAI, an ti. Bawipa bia hi biapibik cu a rak si, tithuh le tipianh ahkhan a rak si lo.

5. Zankhuadei nga a tlai kholo mi LAWNG kha Jesuh nih a halmi cu a si. Kan LAWNG cio hi a kan halmi cu a si, zeicahtiah khahter a duh caah.

6. Peter cu thluachuah a hmu deuhdeuh, a sual aa thei deuhdeuh i a khup aa bil chin lengmang. Nangle kei zong thluachuah kan hmuh deuhdeuh tik ah kan sual, kan tlamtlinlo nak kan i hmuh deuhdeuh i kan khup kan bil deuhdeuh ding a si.

7. Thlaraulei chambau ka si tiin i hmuhkhawh hi thluachuah donnak cu a si; thlacam kan huamlo ning te hna, Baibal rel kan huamlo ning te hna, kan thurhnomh ning te hna a kan hmuh ter.

8. Khupbil in thlacammi hna khup cu meheh khup he ai lo. Khupbil hi Bawipa lawmhmi cu a si. Pathian hmai ah thluachuah rel thiam law khupbil cawng chin lengmang ve.

9. Khrihfa nun cu chunglei in ai thok. Khrihfa nun Zumtu nuntak cu uahlo nun a si.- 10. USA riantuannak ram ah thlaraulei na daithlan ahcun na daithlang thai ko lai.

11. Nan cawlcang (nan busy) tuk le Jesuh a si a vaang. Jesuh he dinh tti caan ser law hawkomhnak ngei. Ka piangthar ve ko ti ttung i nun sivangh peng hi zeidah sullam a si? Bawipa he hawikomhnak kan ngeihlo caah a si.

12. Ram mui riantuannak cu thaphnih in a um. Ramleng ah riantuan pah in mah Khrifabu muih peng khawh a si ve. Cucaah rammui rian cu mah chungkhar le mah Khrifabu in thok ding a si.

13. Nan phone hi i ralring u, phone hmanthiam lo cu nule va rawhnak, nulepa le fale tthennak a chuak kho. Hmanthiam a herh hringhran.

14. MARTHA, MARTHA, a herh huaha lo mi ah na tlok na ciar, na phun na zai, a herh taktakmi cu vawlei ahhin pakhat te lawng a um: CUCU JESUH HE UM TI A SI.- Bawipa nih sunparnak co ko sehlaw a salpa zong hmang chin lengmang ko seh. Amen.

A khawmtu: Thawngling Mualhlun- CEBC Indianapolis