Pathian Duhmi Tipil Innak: Thiangthlarau In Tipil Inglo Mi Nih Cun Thiangthlarau Hmuhsaknak An Ngei Kho Lo

Sermon

 

Image result for baptisma

Matthai 2:11: Nan sualnak nan I ngaichih cang ti hngalhnak ah kei nih cun tipilnak kan pek hna; sihmanhsehlaw ka hnu I a ra lai ding pa nih cun Thiang Thlarau le mei in tipilnak an pek hna lai.

Pathian Duhmi Tipil Innak: Tuzing ni ceu dawh ah lawmhnak he can sung a kan phak ter than tu cungnungbik, thangthat awktlak, kan Pathian a min thiang thangthat si ko seh. Bawipa he nun cu a nuam i a nuam hringhran. Vawlei harsatnak phunzakip chung ah hnangamnak a kan petu kho tu thiangthlarau nih a thar in lam ka hmuhsak than ko seh. Pathian biathiang i hrawm than hna usih:

Matthai 2:11: Nan sualnak nan I ngaichih cang ti hngalhnak ah kei nih cun tipilnak kan pek hna; sihmanhsehlaw ka hnu I a ra lai ding pa nih cun Thiang Thlarau le mei in tipilnak an pek hna lai.

Bawipa nih a bia thluachuahnak kan pekpiak ko seh. Khrih ah dawtmi u le nau hna: ngai hmanh usih, Johan nih cun ti in tipilnak a rak pek hna sihmanhsehlaw kan Bawipa Zisuh Khrih tu nih cun thlarau in tipilnak a kan pek. Hi tipilnak a ingmi hna cu Khrih thihnak le thawhthannak aihram mi hna hi kan si. Cu cu a nungmi zumhnak aihrawm mi hna nun kha chim duhmi a si. Khat lei in kan chim a si ahcun a zumhnak kha tuahsernak in a langhtermi nun kha chim duhmi a si. Biatak a si mi Kri chung i nunnak hram kan sih khawhnak dingah cun thiangthlarau in tipilnak ngeih kan herh.

Thiangthlarau in tipil a inglo mi nih cun thiangthlarau lam hmuhsaknak kha an ngei kho lo i Khrih cu a dawt in an daw kho lo. Khrih dawt kan ti mi cu a nawlngaih hi a si ko. A cheu nih Khrih cu ka khamhtu le ka Bawipa ah ka cohlan ko nain a nawl a ngaih tunglo ahcun a chung ah thiangthlarau in tipilnak an ngeih lo caah a si i a zumhning kha Pathian bianing in zumhnak hman a si lo ti kha a tuahsermi nih a langhter. Khrih duhnak kha an tuah kho lo, phundang in kan chim ahcun an chung ah tuah kho tu Thiangthlarau an ngeih lo caah a si.

Kan Bible thiangah Thiangthlarau tipil innak hi Matthai 2:11, Mark 1:8, Luke 3:16, John 1:33 Lamkaltu 1:5 ah le 11:16 ah kan hmuh hna. Thiangthlarau in tipil a ing cang mi nih cun an nunnak dihlak kha Bawipa an pek i chung lei ah thiangthlarau in tipil an innak thawngin an chung ah a nungmi thiangthlarau thawnnak nih cun a uk hna i taksa in a ra mi thawnnak siloin chunglei in a ra mi Thiangthlarau thawnnak in le nunnak dihlak pek in Pathian rian kha an tuan i a sunparnak an langhter. Minung sining kha a huat i Khrih sining tu ahkhan ai lawm. Biaktak ah a lung ai lawm i sualnak kha a fih. Pathian biathli kha tha tein a hngalh i Khrih ah a nunnak a bunh caah vawlei nih a cung ah nawl a ngei ti lo i raltha tein Pathian sunparnak a langhter.

Dawt mi u le nau hna, hi bantuk in kan nun kha Thiangthlarau nih uk in Khrih biatak chungah kaar kan hlan khawhnak dingah cun Thiangthlarau in tipil in kan herh. Thiangthlarau in tipil in a duhmi vialte nih cun sertu kan Pathian bia kha nunnak lamhruaitu ah hmang in, biatak chung ah kan nunnak thup in, minung sinak kha Khrih in thah cikcek ta lo ahcun chung ah thiangthlarau nih hmunhma a la kho lo (a nung kho lo). Cu ti cun thiangthlarau nih kan nun a uk hnu lawngah cu thiangthlarau lila nih cun a ral a si mi vawlei duhnak kha doh in a pa a si mi Pathian duhnak kha a tuah caah Pa Pathian sunparnak kha nifatin te a hmuh zungzal i lawmhnak in a khat. Bawipa nih kan dihlak caah thluachuahnak kan pekpiak ko seh.

John 3:10: Pathian nih an tuahmi kha hmuh i an ziaza thalo an hlawt kha a hmuh tikah aa ngaichih i an cungah ka thunter lai a timi thatlonak kha a tlunter than lo.

Ref: nzwcacc.org

Leave a Reply