Pathian Dawtnak Khuaruahhar: Rom 5:8 I Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi. Pathian dawtnak hi tha tein ruah ve lo ahcun Pathian nih zeitluk in dah a kan dawt ti zong kha rak theih a si lo,Pathian hi kan caah velh a ngeih le ngeih lo zong kha theih a si lo.Sihmanhseh mah (Rom 5:6-8) ahhin fiang tein Pathian nih zeitluk in dah a rak dawt ti kha hmuh khawh asi.

Ahme 6-8 hi,Pual nih fiang tein a kan chim.Zeitluk in dah Pathian nih vel a rak kan ngeih,Pathian nih a kan dawtning hi Khuaruahhar bak a rak si.{5:6} Zeihmanh taktak hmanh a tuah kho lomi kan si lio ah khan,cu caan thengte ahcun mi tha lomi kan caah Khrih kha a thi.Vuntuak cio hmanh uh u le nau hna,zei taktak hmanh a tuah kho lomi dirhmun kan dir caan ah Khrih cu kan caah a thi,zeitluk khuaruah dawtnak a si?.

{5:10} Kan nih cu Pathian ral kan rak si,sihmanhsehlaw  Khrih thihnak thawngin Pathian he a kan remter cang.Cucu kan caah thawngtha dang hlei a um ti lo i,mah tluk khuaruahhar dawtnak hi a um ti lai lo.Amak in a mak kho tu kan Pathian dawtnak hi khuaruahhar a si ko.Ral a simi zong a kan remter i,Khrih kan zumhnak nih khan a fa ah a kan co hlan i,[5:2]Khrih kan zumhnak thawngin Pathian khuaruahhar dawtnak velngeihnak chungah cun a kan luhpi i cu chungah cun atu hi kan um. Pathian sunparnak zong kan i hrawm ve lai ti kan i ruahchan i kan tha a nuam. Kan Pathian minthangthat si ko seh.

Adawtnak khuaruahhar nih a kan tuam i,[5:3] harnak kan in le kan ton zongah kan i lawm ko lai,zeicatiah hanak nih cun in khawhnak kha a kan ngeihter i,in khawhnak nih cun ziaza a kan ngeihter i ziaza nih cun ruahchannak kha  akn ngeihter,ruahchannak nih cun a kan deuh lo,[5:5] zeicatiah a kan pekmi Thiang Thlarau thawngin kan lungchungah Pathian khuaruahhar a dawtnak cu kan nun ah a toih in a kan toih.Cucaah kan thin a pang lo i,kan nun a nuam zungzal i,harnak ton zongah,kan i nuam ko lai,Pathian nih pei a dawtnak a toih in kan thinlung chungah a kna toih cu,cu khuaruahhar dawtnak nih cun inkhawhnak le tuar khawhnak a kan pek.Kan Pathian min thangthat si ko seh.

Kan nih cu misual,zeihmanh a tuah kho lomi kan si lio ah, Pathian nih vel a kan ngei i a dawtnak khuaruahhar in a kan khamhmi hi ruah tik ah  kan caah khuaruahhar  dawtnak a si.Fapa Khrih thih thawngin Pathian he a kan remter i,ral a rak simi kha akan remter,cu dawtnak cu kan caah khuaruahhar dawtnak taktak khi a rak si.Pathian nih kan i hrawmmi thlachuah kan pek piak ko seh. Nunnaktiva