Pastor Reina-Bawipa vancung ah na duh nak a tlin bantuk in President Donald Trump cung ah tling ko seh

Hmuhning

VIDEO-Pastor Reina nih a hmuh mi a chim mi: “Nan nih mi hlen hmang mi hna, zoh hmanh u, mah hi hi nan khuaruah an har ter tu hna le nan lung an su hai tu hna cu asi lai, Nanmah nan chan chung ah hin thil pakhat ka tuah lai i cu thil cu an in chimh hna hmanh ah nan zum kho lai lo” (Habakuk 1:5)

ati mi atu cu kan hong phan cuahmah. Thinghmui pa li nih Syria ralkaap vialte an rak tthio dih hna bantuk theih ko bu hmanh i zumh khawh lo ding mi pei a ra lai cu. Cu cu pei zumhnak cu asi cu. Chim thanuam in chim sawhsawh ding asi lo. A zumh in zumh ve ding asi. Liberty zong nih a nolh chih rih ” Red sea moment, le Noah Boat” chan lio bantuk kha asi lai ti pei asi cu.

Bawipa nih ka tuah lai ati mi cu tuah lo in maw a um lai, atik le a caan kan chim kho lo, zei ti set in dah a tuah lai kan thei lo. Rilisen ai cheu lai lio te ah khan Moses zong nih zeitindah Rilesen hi a um lai ti a hngal lo, Bawipa nih a tla cop in tuah ati mi kha a tuahmi asi ko. Cu caah atu ah hi vialte rel cawk lo minung nih thla kan cam mi hi Bawipa nih zei rel lo in a um hnga maw, ka tuah lai ati mi cu atuah ko lai, cu caah zuum ko uh. zumh nak caan asi. Minung lei kap in i bochan ding le i ruah chan ding zei hmanh a um ti lo lio, a zuum kho lo mi nih thangchiat le ningzah thlaih i an i laak lio caan hi Bawipa kut cak alangh caan cu asi. Zumhnak hmual hman caan, zumhnak kut thlak caan asi.

Atu hi mi tampi nih an zumhnak an zaam taak caan asi, Asinain a taang mi zuumtu zeimawzat zumhnak hmang in Bawipa nih a tuah hnga ding mi cu a tuah ko lai caah a zuum kho mi lak i rak i tel ve ding kha a bipi mi asi. A zuummi nih nan thlacamnak cio rak thaap in America setan kut i a liam tuan nak hnga lo ding ah thla cam ko rih hna usih. Chris Yoon nih a chim mi hi ngai hmanh uh, zuumtu hi group pa thum ah kan um i.

A pa (1) nak zumtu cu prophesy hna a ngei i a zuumtuk ve ko na in asi tthan lo hi teh ti i lung dongh i ai la i kai palh ko hi teh ti i mah zong palh mi dang zong palh i a hmu mi hna..

A pa (2) nak zumtu cu thla acam chin chin i Pathiain hmai i a kuun chin chin mi hna Pathian bia cu atling hrim hrim lai ti i hmai a nawr chin mi hna.

A pa (3) nak cu sorry ngai an si. Mi soisel ding le thang chiat ding lawng arak bawh i zumhnak taktak a ngei lo mi an si caah hi hna nih an lung an i thlen lo ah cun zei ti ti awk a ttha ti lo ding mi an si. An nih nih cun Pathian mi hna hi magic apiah tu ding phun khin an hmuh hna caah an caah ngaih chia a va si dah. An i chir lo ah cun Bawipa hmai an hmuh kho ti lai lo.

Dutch Day nih rangtum a thlan chuak thluahmah mi a hmuh mi hna kha ngol lo in thla a cam mi hna an si i Capitol Building a cung lei chin ai hong mi te hna kha atu tiang cu a tling dih ko. Antifa le Trump Supporter extremist pawl kha an si. Pastor Dana nih a rak hmuh mi cehngia run kha thlapalung nih oder a peek hna i an mit ceu le ceu lo in khualak ah bo pah thluahmah in an tli lulh i biakinn chung hna ah an luut i donghnak ah gavel ngan pi ka hmuh ati mi hna kha a taktak in an hong tling thluahmah ko hna i cu caah hi Prophet hna nih an chim mi hi thlacamnak he rak dirpi hna usih law Vancung ah aduh nak atlin bantuk in lei cung ah tling ko seh ti in kan thlacamnak he tluang hi khawng cio rih ko hna usih.

Bawipa vancung ah na duh nak atlin bantuk in ka cung ah tling ko seh. Bawipa vancung ah na duh nak a tlin bantuk in America ram cung ah tling ko seh. Bawipa vancung ah na duh nak a tlin bantuk in President Donald Trump cung ah tling ko seh. Amen…Amen…Amen. Source: Saya Bawi Uk Thang Cinzah

____

Copyright © Chin World News Evening

Leave a Reply