Khrihfami hna nih an chimning ah cun kan pastor pa nih hin zei sualnak hmanh a tuah bal loh. Nawlngeitu pawl zong nih zei bantuk kong hman ah cu hlan ah cun sual phawt zong a tong bal lo. A sinain ruahlopi ah March 15 Pathianni ah khan pastor Sithon Thiphavong kum 34 cu an tlaih hi a si. Hi bantuk in an tlaih zong hi a cozah nawl peekning te in Sacannakhet Province Chonnaburi District, Kaleum Vangkae khua ah pumhnak an ngeih lio ah an tlaih hi a si tiah khuami tampi nih RFA thawngzamhtu pakhat Lao Service sin ah an chim.

Khuami pakhat nih a chimning ah cun biaknak kong a cawnpiak ruang ah a tlaih hi a si ko tiah a chim. March 15 Pathianni zingka pumh lio ah nawlngeitu pawl nih an auh hi a si tiah Savannakhet Province Khrihfa pakhat nih a chim. Bia an i ruah hnu ah khat le khat an lung ai khat kho loh i cu ti cun an tlaih hi a si tiah an chim chih. Khrihfa hna nih an chim rihmi cu pastor Sithon hi nawlngeitu pawl nih a sualnak zong an hmu bal loh i na inn ah mi nai lenter hna lai loh tibantuk zong ti a tong bal loh tiah an chim. Ti le rawl a herhmi pawl peek le chanh cu an sianh hna nain COVID-19 ruang ah Laos lockdown a dih tik ah a kong cu kan ceih te lai tiah an ti hna tiah an chim.

April 2019 ah khan US Commission for International Religious Freedom nih Laos phunghrampi ah hin mi zei paoh nih mah le biaknak biak khawhnak nawl cu zalongte in ngeih khawh a si ti a si. A sinain local nawlngeitu hna nih biaknak he ai pehtlaimi thil a tuahmi pawl cu an hro lengmang hna tiah a chim. Those Laotions ah hin Khrih a zummi paoh cu tlaih an si. Leng zong ah chuak hlah uh ti an si nain Khrihfa pawl nih hin an ngai ve loh. Nawlngeitu pawl nih ralrin an peek hna nain an ngaihlo ruang ah a tu bantuk in an tlaih hi a si tiah khua innpa ah pastor a ttuanmi an tlaihmi nih RFA sin ah April 17 ah khan a chim.

December 2018 lio ah khan Khrihfa minung pali le an hruaitu minung pathum hna cu Savannakher Provice Phin district ah a cozah zung ah an rak auh hna. Ni sarih chung an cawnpiak hna hnu ah an thlah tthan hna. Kan hnu February 25 ah khan Khrihfa chungkhar pathum in minung 14 hna zong an zumhnak an hlawt duhlo caah Luang Namtha Province Long District in an rak tthawl hna. An in pawl zong an hrawhpiak dih cikcek hna. Ref: FRA