Pasal mitthli he ngaihchiatnak le ngaihthiamnak a von chimmi von zoh cu lungthin nih a celh hrim lo

Myanmar News

Tuzaan Aung La Nsang a sungh cu kawlram mipi lawng hmanh si loin Chinmi zong kan ngaihchia i kan i lungsak cio hrimhrim hna loh. Hibantukin fawi zaang tukin De Ridder nih a tei lai ti hi aho cio hmanh nih kan ruat cio lai lo dah. Round 1 minute 4 hrawngah Aung La Nsang cu De Ridder fawi zaang tukin a knockout mi hmuh khawh a si. Lung cu a nuam hrim lo.

Image may contain: one or more people

Hi kongah Aung La Nsang nih a dirkamhtu le thazaang a pek tukmi kan naupa Ṭial Cung Thang (The Dragon Leg) zong a celh ve hrimhrim lo. Pasal pi live i thlah ruangmang in mitthli he a ṭah buin Live a chimmi cu,“Myanmar fans thazaang a kan petu rak kan ngaithiam uh. Hi sunghnak hi kan duhmi a si lo, asinain fak piin kan izuam ṭhan rih lai i teinak kan hmuh ṭhan lai,”tiah a chim.

Image may contain: 2 people

Cun, Aung La Nsang a sungh le cang ka in amah pumpak facebook ah Ṭial Cung Thang nih hitihin a taar colh,“Hi nak ṭhawng deuh le thazaang ṭha deuh in kan rak kir ṭhan lai i kha taisawm kha kan lak ṭhan lai,”tiah zeidang biachim hmanh chim hmasat loin Aung La Nsang, Martin le amah tiin hman an thlak ṭimi taar in a facebook ahcun a taar.

Image may contain: 1 person

Aung La Nsang nih De Ridder he an i thongh dih hnuah, amah pumpak facebook in mipi sinah hitihin a chim ve,“Tuzaan ah teinak kan hmu lo nain, kan sunghnak in kan tho ṭhan te lai. A ka daw i a ka dirpi tu nan dihlak cung ah kaa lawm tuk”tiah mipi sinah a chim ve.

Image may contain: one or more people

Aung La Nsang cu Chinmi chungin MMA (One Champion) ah aa tel khomi kan naupa Ṭial Cung Thang @ The Dragon Leg tiah mi tampi nih theihmi thazaang a petu le a hnulei a dirkamhtu a saya pakhat a si. Cucaah, Chinmi nih kan uar hna i thazaang kan pek khunnak hna zong hi a si. Aung La Nsanga thongh lai le Ṭial Cung Thang a thongh lai cu kan i hngahhlang tuk cio hna.

Image may contain: 2 people

Tutan Aung La Nsang le De Ridder an i thongh lai cu Chinmi lawng hmanh si loin vawlei cung hmunkip kaa kip ummi nih zoh lai kan i ngaih taktak mi a si. Paṭhawngṭha pangan kan timi hna hmanh fawi tuk a teitu hna a si. Asinain tutan i De Ridder he an i tongh cu midang minthang paṭhawng a thonghmi hna lakah cun a pumrua zong a hme khun, asinain ruah lo piin De Ridder nih fawi zaang tukin a hun tei cu khuaruahhar lei hna khi a si.

Image may contain: one or more people, text that says "ONE S"

Aung La Nsang le De Ridder an teining cu chim hau loin Live an thlahmi ah hmuh dih a si. A von i ṭhua i Aung La Nsang nih voikhat hnih hlei a thong manh lo tangah an tlu ṭi kan ti lai cu, cu cang ka cun De Ridder nih a mi teinak hmangin Aung La Nsang cu a tai ah a ke 2 in a von reh, a kut in a hngawh a reh chih. Mi fa naupa Aungla N Sang cu a cawl te a cawl kho hrimhrim lo. Tlawmpal a reh hnuah Aung La Nsang a sunghkhan colh.

Image may contain: 2 people, people standing and text

Tutan Aung La Nsang a sunghnak aruang tiah mi tampi nih ruahdamh in an chim ciomi cu, naite ah Aung La Nsang cu atu lio vawlei cung hmukip ah a karh cuahmahmi Covid-19 zawtnak a ngeih hnu in a dam ka te a si caah a thazaang a derthawm deuh caah a kham manh lo caah a si tiah a timi zong an um. Cheukhat nih amah le mah a zumh tuk ruangah (Over confident) ruangah a chuahsual ti a chimmi zong an um. Zei a va hmanh ah minung cu kan ong peng lai ti chim khawh a si lo. Sungh caan a um lai i ong caan a um lai cucu thil kal phung zong a si.

Leave a Reply