Pasal Cu Mah Ding Bak Si Ko, Rung Lian Ceu Zong Zei A Rel Ti Lo A Fiang, Sungh An Ttih Lo Cun An Chuah Awk A Si- Uk Ling Thang

Sport

Pasal Cu Mah Ding Bak Si Ko, Rung Lian Ceu Zong Zei A Rel Ti Lo A Fiang, Sungh An Ttih Lo Cun An Chuah Awk A Si- Uk Ling Thang

Image result for uk ling thang

Nizan Aung 31. 2019-i Laipaih Champion, Dallas-i an tuah mi cu tlung tein an lim khawh i, Hi hmun ah hmun dang ka dang leiin champions cotu tampi an i tel hna. Cun, aa tel kho lomi zong tampi um a si.

Laipaih Champion, Dallas-i an tuah mi ah Biak Hmun Sang le Uk Ling Thang cu champions an i cuh i, Uk Ling Thang nih a tei caah champions taisawm a co.

A cunglei kong he pehtlaiin CCN nih Uk Ling Thang biaruahnak an ngaih. A biachim pawl cu uar um pinah pasal lungput taktak si. Atimi cu kei cu an ka sawm le sawm lo ah ka buaimi si lo, Paih an tuah paoh i, ka hmanh ko ahcun kal peng kaa tim. Cun ka paihnak paoh ah champions ka hmuh fawn lai,”tiah ralttha taktak in a chim ko.

Biahaltu: Tutan ah champions a cotu patthawng tampi an i tel khawh lonak a ruang na kan chim kho hnga maw? tiah a hal. Uk Ling Thang nih a lehmi cu paih an duh dih cio hna, Cun anmah le sining cio in GYM zongah an kal cio dih hna. Tutan ah an i paih lonak a ruang bik cu kan sung lai timi an phan ruangah an i paih ngamlonak a si.

A peh rihmi cu ttenhtu mipi kan ngaih cio hna tikah kan i paih ding mi zoh ding hi an i ngaihtuk cio hna. Cu ruangah paihnak hmun paoh ahcun kei cu ka pai peng ko lai.

Rung Lian Ceu zong tutan paih ahhin a manh ko ahcun a paih ding hrim a si,”tiah a chim. Rung Lian Ceu kong a chim mi kong he pehtlaiin Uk Ling Thang nih hin Rung Lian Ceu he i paih hi a duh timi a fiang ngai cang. Cun, Laimi lak zongah an mah pahnih hi champions ve ve an si tikah anmah pahnih paih hi zohnuam bik si cang ko lai. Video tawi kan rak tar chih, Uk Ling Thang biachim van ngai ve hmanh.

Laipaih Champion UK Ling he biaruahnak

Posted by Chinland Special Media on Saturday, 31 August 2019

Leave a Reply