Palik ruangah a nunnak a liammi George Floyd a upa Philonies Floyd nih a naupa a thihnak kongah Police officer minung (4) hna hi a thi dingin hremnak pek an phu tiah a aupi ve cang. George Floyd cu grocery store dawr pakhat ah a kal i, $20 a ttuh a ken i a pek hna caah dawr ngeitu nih palek a auh hna i, an rak tlaihmi a si. Palek pa nih a tlaih hnu ah vawlei ah a thluk i, a hnawngah a khup in a rial hnu ah sizung ah emergency in an phakpi i athih beh hi a si.

“Ka naupa kha palik pawl nih an thah. Zeitik hmanh ah a rak kir ti lai lo i a nule fale si hna seh, a chungkhar a unau zong nih zeitik hmanh kan hmu kho ti lai lo,” tiah George Floyd a upa Philonies Floyd nih cun ngaihchia in a chim. Philonies Floyd nih a naupa philh lonak ah le a nupi le fale bawmhchannak caah tiin Gofundme hmangin bawmhnak a tuahpiak i sml 22 chung ah US$847,371 an hmuh manh ti a si.

CNN New Day sinah a upa Philonies Floyd nih ka naupa George Floyd cu Police officer minung (4) an tlaih i an lakah minung pakhat nih a hnawngah a khup in vawlei ah a rial chih hnuah a nunnak a liammi a si. Hi Police officer minung (4) hna nih tlaih in thih dingin biaceihpiak an phu tiah Philonies Floyd nih cun a chim.

A thihnak konglam Salai Lairamthang nih a ṭialmi: GEORGE Floyd timi kum 46 minak pa cu May 25 ah khan mirang palek pa nih a tlaih hnu ah vawlei ah a thluk i, a hnawngah a khup in a rial hnu ah sizung ah emergency in an phakpi i athi beh. Mah ruangah George Floyd a umnak Minnesota state Minneapolis khua ah palek pawl cu mipi nih sandah an piah hnawh hna i an buai tuk caah khuaci an mui.

George Floyd cu grocery store dawr pakhat ah a kal i, $20 a ttuh a ken i a pek hna caah dawr ngeitu nih palek a auh hna i, an rak tlaihmi a si. George Floyd cu palek pahnih nih an rak tlaih i, cincik in an khih hnu ah an hruai i, palek officer Derek Chauvin nih George Floyd cu a hngawng ah a khup in a rial chih hnu ah, ka thaw ka chuah kho lo” tiah a au. Mah cu video an rak thlah i, social media le news kip ah an thlah i, a hmutu vialte an thin a phawh dih hna. Mah ruangah President Donald Trump nih FBI le Justice Department cu a rannak in hlathlainak tuah dingah nawl a pek hna. Atu hi a tlaitu palek pa cu tazacuai an timh cang.