Palik Bawi Pakhat Thah A Tong. A That Tu Hngalh Si Lo

Myanmar News

Hpakant Ah Aho Hngalh Lo Nih Palik Bawi Pakhat An Thah: Kachin ramkulh, Hpakant ah palik bawi(deputy police officer) Ko Ko Lwin cu nihin August 3 zing sml 8:00 hrawng ah aho hngalh lomi nih an kah thah, tiah tualchung mi hna sinin theih a si. Kah thah a tongmi palik bawi cu Hpakant peng Saihmu khua ah umhmun khuarmi palik Battalion 30 uktu chang a si i, meithal zun 10 hrawng in an kah i a thi colh, tiah theih a si.

In kachin state hi-res stock photography and images - Page 9 - Alamy

“Amah le a kuttang pawl cu khua chung i an kal lio ah an kah i, a hmun ah a thi colh,” tiah tualchung mi pakhat nih a chim. A luancia July 14 ahkhan Hpakant peng Saihmu khua ah mizapi nih lamzawh in hramhram uk duhlonak an langhter i, an ṭin lei ah nu 7 le pa 1 a rak tlaitu hna cu Ko Ko Lwin cu nih a rak hruai hna, tiah theih a si. Hpakant ah palik kah thah an ton hi a tam ngai cang. Atu palik bawi Ko Ko Lwin hi KIA nih an kah thahmi a si men lai, tiah tualchung mi hna nih an zumh.

July Thlachung KNU Brigade 5 Hmunram Kahdohnak Ah SAC Ralkap 90 Hrawng An Thi!: KNU brigade 5 hmunram ah a luancia July thlachung ahkhan kahdohnak voi 110 a chuak i, SAC ralkap le Phyosawhti 88 an thi, minung 57 hliam an tuar,tiah KNU brigade 5 nih nihin August 3 ah cathanh an chuah. A thi mi minung 88 lak ah SAC Ralbawi 1 aa tel i hliamtuar mi 57 lak ah commander 2 an i tel, tiah an langhter.

SAC ralkap hna thilri a phortu motor pakhat cu kan hrawh i, thilphortu ah hman mi rang 8 an thi. Kahdohnak ah cun KNU brigade 5 in nunnak a liammi an um lo nain minung 9 hliam an tuar. SAC ralkap hriamngan kahnak ruangah sualnak ngei lo 2 an nunnak a liam i, minung 5 hliam an tuar, tiah an cathanh ah cun an langhter. Credit: The Chin Post

Leave a Reply