Paletwa Siizung Rianṭuantu Umnak Quater Chung Ah Hriamngan A Tla I Ngakchia Pakhat Hliam A Pu.

Chin News

Paletwa Siizung Rianṭuantu Umnak Quater Chung Ah Hriamngan A Tla I Ngakchia Pakhat Hliam A Pu. Chin ramkulh, Paletwa khuapi, Myoma sang siizungpi rianṭuantu hna an umnak quater chung ah hriamngan a tla i ngakchia pakhat hliam a pu, tiah tualchung mi sin in theih a si.

Nihin December 8, zinglei suimilam 10:00 hrawng ah Paletwa siizungpi chung rianṭuantu hna umnak inn ah hriamngan a tlak ruang ah kum 10 tluk ngakchia pakhat hliam a pu, inn a rawkmi zong a um pah, tiah tualchung mi pakhat nih Zalen ah a chim.

“Nihin zinglei suimilam 10:00 hrawng ah a puah a si. Khoika lei in dah an kah fian a si lo. Kum 10 tluk ngakchia pakhat aa hliam i inn cheukhat an rawk pah. Tualchung mi cu thinphang ngaiin an um,” tiah tualchung mi pakhat nih cun a chim.

Cu hriamngan cu zeibantuk hriamtlai phu nih dah an kah fian a si lo i hriamngan a puahnak hmun cu Paletwa palik nih chekhlatnak an tuah, tiah an chim. Credit: The Chin Post

Thawngpang dang: Tonzang Peng Ah Peng Council Thar An Dirh Khawh Cang. CDF Tonzang nih Tonzang peng chung ah Peng Council thar an dirhnak kong cu nizan December 7 ah thanhnak an tuah. December 7 ah Chinland Council tonpumhnak cu tlamtling tein kan lim i Chinland Council zong tlamtling tein kan ser khawh. Cu pin ah Chinland Council ṭuanvo ngeitu minung 23 zong kan thim khawh hna, tiah CDF Tonzang nih an langhter.

Chinland Council tonpumhnak ah a kaimi Tonzang peng aiawhtu minung 10 nih a hlan i Tonzan peng mizapi ukhruainak phu min zong Tozang Peng Council tiin an thlen cang, tiah theih a si. Hramhram in nawlngeihnak latu SAC ralkap doh lo in Tonzang peng mizapi ukhruainak phu a dirhtu phu nih Tonzang peng i a ummi mizapi dihlak sin ah theihternak an tuahmi vialte zumh lo ding le Tonzang Peng Council cu December 7 thawk in ser a si cangnak kong cu CDF Tonzang nih theihternak an tuah.

Leave a Reply