Paletwa Peng Tongma Wah Khuabawi AA Nih An Tlaihmi U Hlah Kyaw A Ruak In An Char

Chin News

Chin State, Paletwa Township Tongma Wah khuabawi U Hlah Kyaw cu facang caw dingin khua dang i a kalnak ah AA ralkap nih an rak tlaih i Pur ni 6 thawkin ahohmanh nih a konglam an thei ti lo. Chiapa ni 17 ah a ruak in an hmuh tiah theih a si.

U Hla Kyaw hi ni 45 chung a konglam sining pakhat hmanh theih loin a tlaumi a si. An khua in khua dangah facang caw dingin a kalmi a si i a kalnak lampi ah AA nih an tlaimi i Chiapa ni 17 hnuah atu bantukin a ruak an hmuh hi a si.

U Hla Kyaw kong he pehtlai in a chungkhar hna i pakhat nih a chimmi cu,”Chiapa 15-2020 ahkhan a ruak hi hmuh a si. Chiapa 18 ah khuami sinah a ruak kong theihternak kan ngeih hna i, thla 19 ahkhan a ruak cu ṭha tein zohfel a si i thla 20 ah a ruak an hmuhnak hmun ah ruak vuinak caan kan hmang. A ruak hi a rawk ngaingai cang i, amah a chuakmi a u hrimhrimte zong a ruak ṭha tein kan zoh ter,” tiah a chim.

Chin Human Right phu nih thil sining an chimning ahcun,”Kawl ralkap hna le AA ralkap i kahdoh ruangah kum 2019-2020 Pur thla tiangah ramchungmi an konglam sining zeihmanh theih loin a tlaumi hna hi minung (20)hrawng an um cang,”tiah an chim ve. Ref; TP

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a um kho mi a si caah thawngpang kan ṭialmi kan laknak zong ai palh kho mi a si i kan ipalhnak tete a um ahcun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin

Leave a Reply