Paletwa Peng Ah Sianginn Cachim Tu Ding Saya / Sayamah 300 Renglo An Herh Zaangfak Ngai An Si
Paletwa Peng Ah Sianginn Cachim Tu Ding Saya / Sayamah 300 Renglo An Herh Zaangfak Ngai An Si
Paletwa peng ah Sianginn cachim tu ding saya / sayamah 300 renglo an herh. Chin ramkulh Paletwa peng ah AA hriamtlai le Kawl cozah ralkap hna kahnak ruangah sianginn kharmi chung in zeimawzat an on than cang nain cachim tu ding saya / sayamah 300 reng lo kan herh tiah Paletwa peng fimcawnnak bawi U Myo Min nih a chim.
Paletwa peng fimcawnnak zung bawi U Myo Min nih a chimnak ahcun ” rampi nih saya te 360 an kan pek nain kan i za lo. Minung 300 tluk hrawng a herh than. Sianginn cheu khat ahcun cachimtu saya pakhat lawng a umnak zong a um i sianginn cheukhat ahcun hlan chommi saya te nih ca an chimh hna.
Paletwa peng ah sianginn cachim saya te hi tang 9 awng, tang 10 awng le degree ngei an si hna i an hmuhtonmi a tam lo ruangah cachimh ah harnak kan tong. Tintan zong kan auh tawn hna tiah Myo Min nihcun a chimchap. Chin ramkulh Paletwa peng ah AA le Kawl cozah ralkap kahnak ruangah sianginn tampi an rak khar nain a tu ahcun an on than cang hna.
Ref: Chin World/Hakha Today