Pakhat Nu Nau Ka Pawiter I Ka Tlangval Pa A Thinhung Tuk Ka Bawm U! Kum 28 ka si i gay (nudok-padok) ah kaa ruah zungzal. Asinain bisexual (pa he nu he a tuahmi) zong ka rak si. Tlangval hi kum li chung ka ngei cang. Asinain a luan cia thla ruk ah khan rian thar ka hmuh hnu cun zeizong te aa thleng dih.

Rian ka tuannak ah ngaknu pakhat a um i, kan i kawm chin lengmang. Kum 29 a si ve. Kan biaruah a that pah tikah kan i capo lengmang. Voikhat cu party ah ka kal i a rak ra ve. Kan ding kan ei ti i, a donghnak ah cun ihkhun cungah tiang kan phan. Kan i tong lengmang cang. A umnak inn khaan ah chuncaw kan ei. Kan i nuam i, a donghnak ahcun kan tuah duhmi kan tuah lengmang tawn. Asinain caan zeimawzat chung kan um ti hnu le kan i pehtlaih hnuah Paris ah a kal i, rian a tuan. Nau ka pawi ti thawng a vun ka thanh. Ka fa a si tak hnga maw tiah ka hal lengmang tikah nangmah fa a si ko a ka ti.

Gay zong ka si, bisexual zong ka si tikah ka tlangval pa sinah ka chim tikah a thinhung ve i, a ka phiat ve. Nau ka pawitermi zong gay ka si le bisexual ka simi ka chim bal lo; a ka thei rih fawn lo. Ka tlangval nih le a ka phiat fawn cang. Nau ka pawitermi ah maw ka benh ko lai. Ka sining le ka konglam zong ka chimh tikah zeitin dah a ka ruah lai? A ka cohlang lai maw? Zeitin dah ka tuah ah dah a that bik lai? Thla zeimawzat chung te ah tam tuk aa thleng manh. Ruahnak ka cheu cio u law kaa lawm ko lai.

Deidre: Na dirhmun kan theihpiak khawh colh. Na dirhmun fiang tein na chimmi nih na dinfelnak a langhter, asinain na nun a buai ngaingai. Dingfel tein um hi a biapi tukmi a si. Paris i na ngaknu cu pacan dirhmun ka dir kho rih lai lo ti law tangka thazaang tuk in kan bawmh lai tiah thazaang na pek a hau.

Hihi a tuanh khawh chung tuan in na theihter ah a tha lai. Or Nau a pawimi zong hi na fa a si le si lo DNA test tuah colh law i fiang seh. Nan i pehtlaihnak a thawn ko ahcun a luan cia na tuanbia zong na theihter ah a tha ko lai. Bisexual sinak nih kap hnih chungah duhthimnak pakhat paoh na ngei kho ko. Ref: The sun.