Pa Le Bia ( Fapa ) Le Thiang Thlarau Min Ah Mi Fapa – Jesuh A Si Khawh Ning

Sermon

Pa le Bia ( Fapa ) le Thiang Thlarau Min ah Mi Fapa – Jesuh a si khawh ning; Trinity doctrine hi ti lio fb catial thiam milarcheu khat nih an rak tial lengmang tikah a ho cio paoh thazaang a kan pek ka zumh.Amah belte thazaang Kan hmuh ningtu cu aa khat dih theng lai lo dah tiah ka ruah.

Image may contain: 1 person, sitting and indoor

Christian kan Bible le Kan zumhnak hi zeitluk in dah a dik ti theih khawhnak ah Biaknak dang zumhnak Cauk kha rel le dot hlat hnu ah Bible a diknak le Kan zumhnak a diknak kha lung a fiang khun. Cu ve bang, Church pakhat nih zumhnak tlaih tleng kan i ngeih ciomi doctrine timi cu a dik dik lo fiannak ah kan hawi le zumhnak tlaih tleng, an doctrine kha dot hlat i Bible Cathiang he tha tein zoh chih tikah Kan zumhnak hrampi Kan zumhnak tlaihtleng, Kan doctrine kha lung a fiang chim chin ve.

Khrihfa mi nih, van kainak ah kan buaipi bakmi Jesuh kongah God- Pathian a si le si lo, Amin hi God- Pathian Min a si le si lo tu hrawng cu fb lei i a hung linsa ngai caah tlawmpal tein mah lung um cio vun aupi ve tuah u sih.

Bible Cathiang nih A thiang mi Pa, a chuak hnga mi cu , Pathian Fapa tiah ti a si lai.( Luk 1:35 ). Lai holh um kal ningah, tiah ti a si lai. timi cu a rak si bal rih lomi a hung si ding mi khi chimnak a si tawn. Tahchunhnak ah a rak si cang komi cu, thiangmi Pa a chuak hnga mi cu Pathian Fapa a si. ti ding khi si. Cucaah a bia um kal ning zoh tik ah siseh, Pathian Kan zumh ning Bible in zoh tik ah siseh Van ah khin Pa ti le Fapa timi nih hin sullam zeihmanh a ngei lo. Pathian hi Pa le Fa phun in a um ciami a si bal lo.
Mi Fapa Jesuh cu Pa,Bia le Thiang Thlarau God- Pathian cu a si kho maw? Amin cu teh Pa Bia le Thiang Thlarau God-Pathian Min cu a si kho maw?

• Trinity doctrine ahcun, Pa le Bia ( Fapa ) le Thiang Thlarau kha ( God ) Pathian ah pumkhat an si tihi zumh cio a si. 1 Jhn 5:7. • Cu ( God ) Pathian cu thi sa ah aa cang, ( minung pum in aa langh )1 Tim 3:16. God- Pathian timi paoh paoh hi thumkomh Pathian ah zumh le Pom cohlan cio a si. • Immanuel ticu, Kan sinah God- Pathian a um tinak a si.
Mtt 1:23

Thlarau a simi Pathian nih thi sa i Fapa ah i langh / i phuang in Kan sin ah a um. tinak a si. Cucu a foinakin Pathian Kan sin ah a um , tiah Bible nih a timi hi a si i, cucu zumh le cohlan cio a si. God-Pathian cu , Pa le Bia le Thiang Thlarau kha an si i pumkhat an si caah Pathian pathum ti an si lo Pathian pakhat ti an si. tiah zumh le Pommi cohlan ning cio a si.

God-Pathian cu minung pum in aa langh aa phuan tik ah, Fapa tiah ti a hau , a sullam cu Nu hrin mi a si ve, tinak a si ko, Fapa tiah timi cu Min sak ve a hau, min sak a si tik ah, Jesuh tiah auh a si. Jesuh tiah auh mi cu, Pa le Bia le Thiang Thlarau hmunkhat te i an um tinak, Tlanhnak le khamhnak rian an tuantinak a si caah  Jesuh nih Thlarau a simi Pathian cu  Pa tiah a auh i ka chungah a um a timi kha si.

• Khrih a minung sinak ah khan God- Pathian sinak cu tling khitkhet tein a um ko. Kol 2:9 timi hi Pa , Bia, Thiang Thlarau, God-Pathian cu Fapa tiah auh mi, Minung Pumsa – Khrih ah khan tling khitkhet tein a um ko, tinak a si i, mah cu zumh le Pom cio ning a si fawn. Cu caah Pa le Bia le Thiang Thlarau Min cu Jesuh ti khawh a si.

• Zeicahtiah, Fapa a Kan petu nih cun a Kan pekmi Fapa cu Amah aa phuannak le aa langhnak ah a Kan pekmi a si caah, Pa Min in a rami cu Jesuh a si. Jhn 5:43. Mah ti lei zong hin fiannak tuah khawh si.
• Pa le Fapa le Thiang Thlarau Min ah cun, Tipilnak va pe hna u! Mtt 28:19. mah Bible cacang ah a biapi bikmi cu Min hi a si.

• Tho law, Tipilnak ing ko, Amah Min na auh nak thawngin na Sualnak vialte kha I thianh ko. Lam 22:16 • Zeicahtiah Vawlei cung dihlak ah hin a Kan khamh khotu ding Min dang zeihmanh a um lo. Lam 4:12
• Keimah Keimah hrimhrim hi BAWIPA ( JEHOVAH ) ka si. Keimah dah ti lo cu Khamhtu dang an um lo. Isa 43:11

• Tu Zan hrimhrim ah hin David khua chungah nan Khamhtu kha a chuak cang —- Khrih Bawipa cu ! Luk 2:11. Jesuh ticu Pa , Fapa ( Bia ) le Thiang Thlarau , God- Pathian Min hrimhrim a si ko. Credit: John Fready

Leave a Reply