Online Thawngtha Chim, Hlasak Le Laamnak Nih Kan Miphun Damnak A Pe Kho Lo. Rev. David Ral Thang

Theihtlei

Atu lio cu vawleicung pi ah pulrai zawtnak ttihnung “Covid-19” ruangah lungrethei vansaang au in um cio a si tikah hi zawtnak in kan him khawhnak ding caah tiin mipi tonpumhnak onh a si lo. Tam deuh cu mah umnak tein rian an ttuan a si i, cu bantuk cun Biaknak le vawlei lei hruaitu “Community” lei zong nih online lawngte in mip sinah thawngthanh le thazaang pek a si.

Online Services - Ril Retigan

Cu bantuk cun kannih Chinmi Khrihfami hna zong Covid-19 zawtnak ruangah Biakinn ah zapi pumh khawh a si lo tikah online hmangin Pathian bia le hlasaknak in mipi sinah thazaang pek in nihin tiang caan hmannak ngaih a si. Hi online thawngttha chim, hlasak le laamnak nih kan miphun damnak a pe kho lo. Kan miphun a dam khawhnak caah cun khupbil in mitthli he Pathian sinah thlacam lawnglawng nih miphun naknak a pek khawh “tiah Rev. David Ral Thang nih cun ralttha taktak in a chim ko. Hi kongah nang zeitin na ruah? A tang hi Rev. David Ral Thang nih a timeline ah a tarmi si.

Rev. David Ral Thang: Online in thawngtha chimnak le online in hlasak lamlennak nih kan miphun a damter kho lai lo. Ka doh lo nain ka thin lungah a langmi cu khup bill in mithil he thlacam mi le rawlulh in thla a cam mi hna long nih kan mi phundamnak a chuah pi lai.

Hi kongah minung pakhat nih comment a pekmi: Na chimmi hi a tulio kan tonmi le sining he cun ai hlat taktak. Online in thawngttha chim lo le hlasak lo cun members pawl cu khua zeilam dah kan panh cio hnga? hell lam maw vanlam dah thei hlah. Online in thawngtha a chim khomi nih Pathian bia in thazaang kan pe u law hlasak a thiammi nih Pathian hla in thazaang kan pe ve hna seh.

Cun thla a cam khomi nih khupbil in Pathian sinah thlacam ve hna seh law cu ti cun pei Pathian fale cu kan dam lai cu. Pathian fale kan dam ah cun chungkhar a dam lai. Chungkhar a dam ah cun Khrihfabu zong a dam lai. Khrihfabu a dam ah cun miphun le ram tiang a dam lai. A dam mi chungkhar, Khrihfabu le miphun chungah eihmuar le ziknawh a um bal lo.

Note: Mah hi pakhat le pakhat karlak buaiter duh ruangah si loin hi cabia hi atu lio kan hman cuahmah mi a si tikah a saupah cang ko nain a thar in ka vun share tthan hi si. Hi bia nih nangmah thinlung ah zeitindah biachim ve?

Leave a Reply