ONENESS LE TRINITY ZUMHNAK: Laimi hi Pathian pakhat a zummi kan si kan ti ko nain, zumh ning hi pahnih in kan kal. Cucu Oneness le Trinity tiin a si. Oneness tiin Bible ah a tial lai loh. Cun Trinity ti zongin Bible ah a tial lai loh. Nain Bible ah tha tein kan zoh tikah kan hmuh khawhmi a um. Cucu Bible bia in zoh ti hna u sih. Holh theihlo hi Oneness zumhnak deuh in a rami a si caah ruah ngai a haumi thil a si ka ti caah ka van tial. Ka lih in ka tial loh Bible ning tein ka tial. Cucaahcun na ruahnak van chim ve cio u..

ONENESS ZUMHNAK. (Lamkaltu 8 : 16) “Bawipa Jesuh min lawngin baptisma pek an si rih” Bible nih a tining tein cun Piter le Johan lawng hi Jesuh min in baptisma a petu kan hmuh. ( Johan ka ti tikah Baptisma petu Johan a si loh mu Jesuh zultu pakhat thiamthiam a si ). Cucaah Piter le Johan hi Oneness zumhnak an si hmasa bik tiah kan hmuh khawh. Zeicatiah Piter le bang nihcun Jesuh cu a tanh bak ti le nan theih dih ko..

Cucaahcun Piter le Johan bia ngaimi Oneness paoh paoh cu Jesuh bia ning tein an kal pi ve lo caah Piter le Johan an zumh i Pentekos holh dangdang timi zong holh theihlo in an i thlen. Zeicatiah an mah tuah sernak in Pathian kawl an duh caah le thlarau rit laam an duh caah a si. Cucaah Jesuh hi a min lawng an chim i an zum taktak loh. An zumh ahcun a nawl an ngeih awk a si..

TRINITY ZUMHNAK: (Mathai 28 : 20) “Pa le Fapa le Thiang Thlarau min in Baptisma va pe hna u” Jesuh nih Trinity kong a chim hmasa cem. Trinity tiin a chimin a langhter lo nain Pa le Fapa le Thiang Thlarau tiin a chim. Cucu Thumkomh Pathian kan timi Trinity cu a si. Cucu min tein cun baptisma a ing mipaoh cu Pa le Fapa le Thiang Thlarau a zummi le Jesuh nawl a ngaimi kan ti. Cucaah Jesuh nih Trinity kong a chim hmasa bik. A thawhtuk zong amah a si ko ti a fiang.

Oneness hi Jesuh a tling an ti i Jesuh an zumh nain Jesuh bia an ngai loh. Piter le Johan biatu kha an zumh deuh i Jesuh min in tipil nak an i pe. Cucaahcun Jesuh Khrih maw an biak Piter dek tihi ruah ding a um ngaingaimi zumhnak pakhat a ngeimi an si. Jesuh cu bia hna seh law a nawl an ngeih ko lai i a biachimmi zongg an ngaih lai i an zulh ko hnga. Amah ah a tling an ti fawn. A fawinak tukin an kal pi. Nang Piter le Johan bia maw na zulh deuh lai Jesuh Khrih baitak a simi bia dah? ka lawmtuk. Credit: Johnly Fambawl