Oneness le Trinity kong hi Chim lo awk a tha ti lo. Zumh nak hman nih Hram a feh ter ii,Zumhnak hman lo nih Mi a pial ter pin ah Bawipa ngeih a chia. 1. Jesuh kha Nithum le zanthum chung Thlan ah an vui ah khan a thi tak maw aa thih ter dah?. 2. Aa thih ter a si cun, Jesuh lih kan puh hrokhrol kan puh a si hnga ii, Zumhtlak a si hnga lo.

3.A thi tak tak ko Nithum chung kha tiah kan pom na pom a si ah cun. Cu a thi mi Jesuh cu Hau nih dah a thawh ter. a thawh ter tu kha tah haudah a si. Na taksa le Na Thlarau kha Nangmah cu na si ko, Na Thlarau zong nangmah Na taksa zong nangmah na si thiam ko. A sinain Hauhmanh nih Ka taksa hi Ka thlarau a si tiah An ti bal lo,Na pawng um mi kha Ka taksa hi Thlarau a si tiah van ti hmanh Mihrut an ti lai.

Taksa cu taksa si ko i Thlarau cu Thlarau si ko nain pumkhat sining dang an si. Pathian cu Pakhat si ko hmanhseh law, Sining Pathum in a thuam mi si hi Al awk tha lo in Bible ah a lang. Bible nih A fa a ti ah cun Afa tiah pom ko uhsih. Apa a ti ah cun a pa tiah pom ko uhsih. Hauhmanh nih A mah le a mah Kapa tiah a au bal lo khah.A mah le a mah Kafa tumpi tiah a ko bal lo.

Jesuh nih Kapa tiah a ti ah cun Apa pei um hi tiah zum ko uhsih. Cu ti cun Kan zumh nak ah hin Bible ning a si deuh lai. Tuak chom zumh cu tha a ba tuk. Takte chim ah cun, Farasi hna le Sadusi hna, cu chung ah Paul te hna Midang hna nih Jesuh an rak cohlan kho lo nak a ruang cu A tu Biakam hlun i, Keimah hlei in Pathian dang a um lo ti mi kha an i tleih ii, Jesuh nih Kapa a ti lengmang tik ah An thin an rak hung tuk. A ruang bik cu Pathian Pakhat ah sining Pathum hi an pom lo caah le an cohlan lo caah a si ti cu a fiang ko. Cattialtu: Hriat Pui