Nizan ah Foxnews nih Obama cu interview an tuah. Atu lio alinsa tukmi a dik lomi mee kong an hal. Obama nih a chimmi cu, “Donald Trump a dirkamhtu hna nih hin Trump hi tlangpar te ah an chiah bantuk asi. Cun, an dihlak in a dik lomi lamthluan an zulh asi pinah Trump hmaiah kan nor tiah an timi hi Biden caah President atlinnak ding lam an kawl piaktu asi leh lam.

Cu lawng a si lo, Trump cawlcangh ning zoh tikah a dik lomi mee fraud ballots kong buaipi le thinhunnak in President sungh a duh lomi hi a buaipi deuhmi a si. Tutan ah President nih thimnak mee a hman lomi a um tiah biatak tein a aupi mi hi kan ram Democracy lamthluan ttihnung dirhmun ah a chiah asi,”tiah Obama nih cun a ti.

Relchih: Trump Cozah chung ah muinak nih a khuhmi hna, vawleicung kakip ralzaam vialte hna caah Joe Biden a tlin cu khua Ceu thar an hmuh bantuk ah ruahpiak khawh an si. Trump nih “Mexico 🇲🇽 lei in phungloin luhnak hi Walls in kan kham awk a si i, phungning tein USA ah an rak lut cio awk a si” ati nain, Refugee laknak le Chungkhar Sponsor tbk lottery system in US luhnak tbk vialte a phih viar ti awk a si. Cucaah, US ah rak pem aa duhmi vialte caah harnak nganpi an tong. A bik in a him lomi Refugee nih an tuar khun.

2019 lio, Malaysia 🇲🇾 kan kal ahKhan UNHCR Rep he tonnak kan ngei hna i, cu lio ahcun, Trump ( US) nih Refugee lak a phih ruang ahhin Europe ram tbk vialte zong nih Refugee lak hi an ngol cio ve i, resettlement lei cun harnak nganpi kan tong an ti. A bik in Denmark hna zong cu pakhat hmanh an la ve hna lo. US dirhmun zoh in an thu dir cio ve hna i, a poi tuk an ti. Canada 🇨🇦 tu hi tambik a lami Ram ah ai cang.

TRUMP nih kan hnu October ahkhan 20-21 caah Refugee 15,000 lawng lak dingin min a thut. Asinain US nih an thim tharmi President elected Joe Biden nih a harsami refugee cu 125,000 bakte lak dingin timhlamhnak thar a ngeihnak kong a phuan. Cucaah, Trump chan ah a muimi Refugee life cu, Joe chan ah ceunak an hmuh tthan lai ti khawh a si.

TRUMP nih innka a awnh duhlomi hna ralzam cu Joe nih innka a von awnh tthan cang hna lai i, US a hawi,Europe’s Ram tbk vialte zong nih innka an von awn piak cio tthan hna lai tiah ruah khawh a si caah, Ralzam caahcun Joe a tlin cu Thawng ttha ngai ngai a si tiah ka ruah. By Zasang Cinzah