Obama nih Trump a von ti ning cu a fak taktak ningzak ngai a si ai

World News

US President hlun a simi Barack Obama nih cun tutan Trump nih teinak a cohlan duh bak lomi kong ah hitihin a langhter ve. Obama hi Democratic candidate in term 2 bak US President a ṭuan cangmi a si. 20 January 2009 – 20 January 2017 tiang US President a ṭuan.

Former President Barack Obama, Others Congratulate Joe Biden's Win

Tutan ah Biden nih teinak a hmuh ko tiah media kip nih langhter a simi ah vawlei cung ramkip hruaitu hna nih lawmhpi nak an langhter. China, Canada,UK, France,Germany, Turkey, Australia,Japan,Israel le ram dang dang nih Biden lawmhpinak an langhter. Russia lawng lawng tu tiang a dai rih.

Readers Have Been Eagerly Waiting for Barack Obama's New Memoir. Struggling Booksellers Have, Too. - The New York Times

US President ca taktak i biakam hi cu hmaikum January 20 ah khin a si te lai. Asinain thimnak result zoh chih khin chimchung cia peng khi a si tawn. Tutan ah Trump nih Biden teinak a cohlan duh bak lomi kongah hitihin Obama nih cun a langhter ‘ Trump nih 2020 Presidential Election Result a cohlan duh bak lomi hi America ram democracy caah ṭihnung tak takmi le phung ning lo tak tak a si’ tiah a langhter.

Barack Obama and Joe Biden: History Behind the Friendship | Time

Thawngpang dang rak rel chap: By Rolian: Na tha chia hlah CNLD 2025 thimnak ah Chin Party caah lam kaupi a um kho. 2020 thimnak result umtu ning in a ra lai mi 2025 thimnak ah teinak hmutu ding Party hna kong ah ruahning langhter pahkhawh a si. kei hi ramkheel ka thiam lo nain ramkheel lei ka zuam phun a si caah 2025 thimnak le Miphun Party hna caah zeidah a cang kho timi ka van ruah mi langhter than rih ning.

2025 thimnak ding ah Miphun Party hna caah teinak a um lai maw? tihi ruah tik ah teinak lam a um i sunghnak lam zong a um fawn. Miphun Party hna nih teinak an hmuh nakding lam cu hitin ka ruah.

NLD Party nih Cozah a tlaih than cang lai ti cu 100% bak afiang. tutan 2020 thimnak i NLD nih teinak a hmuh ning hi Landslide si ti lo in Land destroy ti bak in a tei ti ko usih. zei ruang ahdah NLD nih hi tluk in teinak a hmuh ti ahcun;

Term khatlawng cun a mawh lo ti cio a si: Ram thangcho cia le Democracy ram in aa uk mi han ram ahcun term vafatin Party nih cozah tlaih an i chan zong ah tampi rian an tuan khawh. Asinain Kawlram bantuk cozah lak ahcun zei bantuk cozah hmanh nih riantuan khawh a har. Cucaah term khat tel hi van tlai rihsehlaw term hnih tiang kan zoh phawt lai tiah mipi nih caan tha an pek rih hna caah a si. afawinak cun 2025 thimnak ding ah dirpi awk an tlak maw tlak lo ti kha an ngiat cang hna lai.

Phunghram remhnak: Tutan ah NLD nih chim bik mi cu, Hluttaw ah phunghram remhnak lam a har tuk caah NCA lei in kan nawr lai tiah a van ti. Hihi tlam a tlin ahcun NLD ca lawng si loin Miphun Party kip caah thatnak a chuah pi lai pi lai. Tlam a tlinh lo sual belte ahcun NLD caah 2025 thimnak cu teinak lam a har lai I miphun Party thawn hram aa thawk ve lai.

Asiahcun 2020 thimnak result in NLD nih Phunghram aremh kho lai maw van bih ta tuah usih. 2020 thimnak ah Union Hluttaw thutden 664 chung ah ralkap nih thutden 166, USDP nih thutden 33, NLD nih thutden 396 le a tangmi thutden 69 hi Miphun Party 11 hna nih an co mi a si.

Ralkap 166 le USDP 33 fawnh ah thutden 199 an ngei. A tang mi 465 thutden hi NLD le Tlangcung Party nih an lak ti ko usih. phunghram remhnak ah Union hluttaw ah NLD thutden le Tlangcung Party hmuh mi thutden fawnh tik ah zatuak 70% fai a si. Phunghram remhnak ahcun zatuak 75% a herh caah a har ngai ko. Asinain NCA lei thazaang a thawn ahcun 2015-2020 karlak nak in ruahchannak tamdeuh hrim ko. Cucaah NLD nih Phunghram pi hi a nawr khawh than lo ahcun 2025 cu teinak lam an i herh ve cang lai. a ruang cu mipi zumhnak a zor ve cang lai.

Federal: 2015-2020 karlak term bantuk in phunghram a rmeh khawh lo, Federal lamcaan kan naih hlei lo, tuan bon lawng an tuan khawh sual ahcun NLD cung ah zumh lonak a zor ve cang lai i Miphun Party dihlak an thawng lai tiah ruah damh khawh a si.

Asinain ruah than awk a um mi cu Miphun Party hna nih a tanglei bantuk an tuah ve lo ahcun ruah ning tluk in teinak hmuh lo sual a fawi. Cu hna cu;

Party reform tuah ding: A min fang in chim ko usihlaw, CNLD caah 2025 thimnak ah teinak lam a um khawh nakding ah Party tharchuah/remh thannak tuah a hau hrimhrim. zei catiah CNLD Party cu pumpak nih rak dirh mi Party pathum hna nih lakhruak /rianrang tuk in an fawnh mi a si caah Party hram a thla manh lo. Party reform kan tuah tik ah tuah ding tiah ka ruah mi cu;

a. Lutlai tu sinak: CNLD cu Miphun aiawhtu a si khawh ankding ah Party lutlai hna cu mipi nih a tha a rem tiah an ti mi thimnak i tuah sehlaw cu upa hna nih mipi caah Party tha tein hruai le zohkhenhnak ngei hna seh.

b. Center hmunhma chiahnak: CNLD cu Miphun aiawh Party a si khawh nakding ah CEC (Center) kha Chinram khuapi bak ah chiah ding. Party le CEC hna le mipi pehtlaihnak, thawng thanhnak ti abntuk le naihniamnak kha thawnter ding.

c. Party EC remhnak: Party pakhat pi a thawnnak ding ah EC hna hi an biapi tuk. Party EC hna cu khuate kip Party chiarman hna nih thim hna sehlaw cu thim mi EC hna nih Candidate tha kan thim piak hna seh.

d. Thimlai buaibainak hrial ding: Thim lai hrimhrim ah Party chung ah MP cuhnak ah pakhat le pakhat daite in i kianh thiamding.

Thianghlim deuh in politics tuahding: Party pakhat mipi sin ah dotla mi si nakding ah thianghlim deuh in ramkheel tuah khawh zuam ding. Politics hi a thianghlim kho bal lo, asinain zohdawh deuh in politics tuah zuam ding. Miphun ca ramkheel kan tuah ruang ah Miphun dang huatnak le soiselnak tuah ti bantuk hna hrial ding.

Political Media ngeih ding: Democracy ram ah cun Media hi a biapi tuk mi a si. Tutan ah CNLD tanpi tu tiah ruah mi Media (Registered) tuah mi Hakha ah pahnih an um tiah an ti hna nain cu hna nih Miphun Party caah political Issue taktak le Party ca tatak ah hmual ngei te in ca an tial mi a um theng lo. kan theih bantuk in US ram Democratic Party hna nihcun media hi hriamnam thabik ah an hman hna. Donald Trump nih Media pawl fak tuk in a ti lengmang hna caah media pawl nih heh tiah an doh ve. cu bantuk in CNLD zong nih vawlei pi theih in hihi cu Political media a si.

Democratic Party ta a si, Chin Party dirkamhtu media a si ti awk tlak in media ngeih ve ding a si. zei cati ahcun Chin Miphun cu tlangcung um mi kan si caah lam le sul ruang ah pumpak in naihniam tein ramkheel kan tuah ti kho hna lo. Social media in thukdeuh Party caah tan a herh ve. Cucaah Local media chung in miphun Party caah fak piin rian a tuan mi media thawng a herh. thimlai lawng ah lakhruak in media rian thawk lo ding. a hlan kan in tuah ding.

Hi hna pawl hi a tlangpi in zapi lak ahcun tuah a herh taktak mi a si. 2025 thimnak ding caah atu in ramkheel thawk colh aherh. Thim lai lawng in ramkheel tuah ti hlah usih. Hihi miphun Party caah duhsak nak he ka van thai mi a si. Source: The Voice Of Democracy

Admin hmurka: Chinworldnewsvening nih thawngpang kan ṭialmi hi kanmah nih  kan phuah cawpmi kan ṭialmi a si lo. Mipi sinah adikmi thawngpang zamh hi kan  i hmuitinhmi a si. Cun, thawngpang kan ṭialmi hi areltu mipi caah ṭhathnem  santlaih, theihtleih ṭha siseh ti hi kan i hmuitin bikmi a si. Asinain, minung kan ti  cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, Na relmi thawngpang hna hi midang nih an rel khawh ve nak hnga atha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Leave a Reply