Nuva Asi Cangmi Hna Nih I Sum Khawh Lo Ruangah Kan I Palh Tuk Tawnmi Nutling Lungfim Asi Cangmi Nih Cun Theih Bak Ding Asi

Nu pawl cu ngeihmi an si caah, fa ngeih khawh/dih in nupa sinak hman/tuah hi a ttha maw ttha lo rak zoh tti tuah hna usih. Nuva or Nupa timi cu nupa sinak cu tuah/hman hrimhrim ding asi. Nain, nu nih fa a ngeih ka ahcun a caan a zoh thiam ngaingai ahau. Nupa sinak caan hman lai ah, pa nih a nupi kha a hal hmasat awk asi.

Ka nupi a si ko ti ruang hna ah, a duh caan poah ah hmanpi ahcun a nau inn caah thil ttihnung asi kho. Cheukhat cu fa na ngeih hnu thlai hnu hna ah, zarkhat, zarhnih hnu hna ah, thlathum, kum cheu hnu hna ah an hman tawn hna. A nupi zawn ruat deuhmi ti usih law kan palh lai lo.

Asinain minung timi cu kan i khat dih lo caah, kan duh le duh lo caan zong a khat lo. Cu ruangah na nupi nih a duh caan te kha theihthiam piak khawh i zuam. Tuan te zongah a duh kho i, tlaipi zong ah a duh kho. Nupa sinak konghe pehtlaihin siseh, mithiam sang hna nih cun nau ngeih hnu in a thlathum hnu i hman ah attha bik tiah an ti. Asinain cu hlan i, na nupi nih an hauh/ a duh ahcun a poinak a um lo.

Pa nih hman/tuah a duh i a sum khawh lo ahcun nu nih a theihthiam ve a ngai. Cun nu nih an tuah hrimhrim dingmi cu na fahnak maw, nau ngeih ruangah maw a fahning na tuar ning kha na pasal ttha tein na chimh lai. Na theih hrimhrim dingmi cu na pasal a caktuk i, a sum khawh lo ahcun nan tuah hlanah ti tampi in na din lai. Cun rianttuan loin dinh caan na ngei peng lai. Na baat lo ahcun ti tampi in ding peng, cuticun nupa sinak hman duhnak lungthin zong tuah deuh ah na ngei kho lai.

Source: Mizza