Nusal Bia: Ka Nu Le Pa Ram Caah Ka Thih Zongah Rak Ngeihchia Hlah Uh! Rak i Lawm Chin Chin Uh!(VIDEO)

Myanmar News

Nusal Bia: Ka Nu Le Pa Ram Caah Ka Thih Zongah Rak Ngeihchia Hlah Uh! Rak i Lawm Chin Chin Uh!. Ka nu le pa ram caah ka thih ahcun i lawm ko u, tiah nunnak thap in hriamtlaih aa thimi CNA Lengnu Aa Dawt! A biachimmi hi tha tein ngaih tikah cheukhat an i lawm lai cheu khat an ngaihchia lai, cheukhat thazaang an la lai culioah cheukhat an ning a zak lai! Mah Nu nih hin live in bia avan chim mi asi i the chin post nih athlah mi asi.

Thawngdang Covid ruangah Mizoram chung sianginn vialte khar a si hnuah zawtnak a um lo nak hmun/khua sianginn hna cu hon than a si i, Mizoram education department nih ralzaam umnak khua vialte ah ralzaam ngakchia hna cu sianginn luhter dih dingin a duh. Mizoram Education Minister Pu Lalchandama Ralte nih ‘Myanmar ram in Mizoram ah mi zei mawzat a dor lio mi lakah ngakchia zong zei mawzat an um.Hi ngakchia hna hi Mizoram cozah nih cacawn ter a timh.An innpi ah an rak ra i, an innpi ah ca zong an cawn ding a si’ tiah a chim.

https://www.facebook.com/miphundawtu123/videos/4622023994483746

Mizoram chung ralzaam um tamnak Farkawn ahcun sianginn luhter an si cang pinah Mizoram cozah nih ralzaam umnak khua dang hna zong luhter cio dingin a ti fawn. Mizoram school education director James Lalrinchhana nih August 31 ah District Education Officer (DEO) le SDEO vialte hna cu an area chung ralzaam ngakchia hna cu sianginn an luh khawhnak dingin hmalak dingin atheihternak ca a kuat hna.

James Lalrinchhana nih Right to Education RTE dan ah ngakchia kum 6 in kum 14 kar paoh cu cacawn khawhnak nawl (right) an ngei tiah a chim. Education Minister zong nih ralzaam ngakchia hna cu SDEO le DEO hna nih an zoh ding le ralzaam hna zong nih an fale sianginn luhnak kong an hlathlai ve ding a si i,ngakchia vialte sianginn an luh ding hi Mizoram cozah nih a duh mi a si.

A biapi bik mi cu kan unau hna an si, cozah nih an himnak pin ah cacawn ter kan duh. Kan naule an si i, nationalist hna nih bawmh an duh, an fale zong cacawng hna seh ti an duh. Cozah dang tangah kan um zongah unau kan si nak cu zei nih hmanh a hrawh ding a si lo. Covid-19 ruangah Myanmar ram ah nikum leiin an rak rat tiang ca an cawng khawg ti lo caah an cacawnnak nih a tuar tuk lai ti phan a um ngai. Cu ruangah an cacawn khawhnak dingah thazaang chuah hi kan biapi pit a si tiah a ti.
Ref; the aizawl post

Leave a Reply