Thawnpang Theih Nuam: Nusal Tha M Sui He Biruah Nak Ah A bialeh Mi Hna Cu Amak Bak

Chin News

Thawnpang Theih Nuam: Nusal Tha M Sui He Biruah Nak Ah A bialeh Mi Hna Cu Amak Bak. Milley hi 2020 ahkhan Nunu Show ah hlasak dingin ka rak sawm balmi a si. Ruah lo tukin Kawlram ralhrang hna nih uknak an lak ruangah biatak tein ṭan a la i ralkap lei lei Hakha palik lei nih tlaih dingin a hmanthlak an tar vemi nu sal ṭha tak tak kha a si. Atu ah rampi nih an dohmi ralhrang hna do ve dingin a caan a petu lakah aa telmi a si caah biaruahnak ka vun ngeih.

Nusung Dear Suisui, biaruahnak caan ṭha na ka pek caah kaa lawm tuk hringhran. Caan sau nawn facebook ah na langh ti lo hnu nai te ah na vun lang ṭhan. Na vun langh ah public in ralhrang dotu thuam he na vun lang caah upatnak sang tak tak kan in pek cio. Cu kong he pehtlai in na kan chim kho hnga maw?

In Pictures: Myanmar military seizes power | Gallery News | Al Jazeera

M Sui Helllo Nunu, hi bantukin biaruah khawhnak caan ṭha na ka pek caah kaa lawm tuk hringhran ko. Na chim bangin ka facebook timeline ah ka langhter bantukin kan i timhmi dothlennnak kan hmun hlan cu hnu kir kho kan si ti lo. Teinak kan hmuh hlan tiang hmaifang peng ding kan si caah lam dang a um hlei lo i kan ralhrang hi kan doh hrim hna a hau ti ruangah hi dohnak ah kaa tel hi a si.

Nusung Dothlennak hmuh duh ah na nunnak na caan na pekmi hmuh tikah kan upatnak a sang khun. Nusal ṭha hrim na si ko. Hi bantukin uknak ṭha lo doh dingin biakhiahnak na tuah lai i na ruahnak le na sining chim awk kan ṭha ve maw? M Sui Si kaa lawm tuk. Tutan uknak ṭha lo hi kan mah mino nih kan doh i a ci kan hmih lo ahcun kan nau le kan fa le chan ah kum zeizat liangluang dah uknak ṭha lo tang ah kan um rih lai. Kan nih tlangcungmi ca le bang cun kum 70 chung kan tuar i tu cu kanmah caah caan ṭha a si tiah ka ruah caah ka si khawh tawkin doh dingin ral ṭha tein kaa thawhnak a si.

Nusung Nang cu hlasak a zuam ngai mi na si. 2020 zongah ka show ah kan sawm balmi na si. Cu lawng siloin ngakchia hna fim cawnnnak ah sayamah a kan ṭuanpiaktu zong na si fawn. Ruah lo tukin na zuammi thil hna le na pawcawmnak le na duhmi kal tak in hi ral dohnak ah naa tel ahhin naa lungsi maw? A phu ko na ti maw?

M Sui: Imm, kal tak cu ka siang hrim hrim lo. Nain liam cia caan i ram le miphun nunnak a pemi vialte hna hmai ah cun atu kei mah ka pum kaa pekmi hna hi cu chim tlak a si lo ka ti. Cun ka kal tak thai mi a si lo i Bawipa nih a rem a ti ahcun dothlennak a dih in ka tuah ṭhan khawh hna lai ti hi ka zumh. Mah ca lawng i ruah ah cun hi hna pawl hi kal tak lo khawh a si ko, nain miphun le ram caah kan tefa caah cun hi hna hi cu chim tlak lo a si ko. Sunghnak ah ka ruat lo.

Nusung Hi dirhmun naa thim hnu ah naa harh cemmi zeidah a si?M Sui: Hi lam ka zawh lai ahhin kaa harh lai, a fawi hrim hrim lai lo ti cu kaa ruah cia dihmi a si ko. Cucaah a si khawh chungin lungchung in timh tuahnak ka ngei cia. Mah lakah kaa harh bikmi cu nganfah ka tuar caan le ka dam lo caanah hin a si.  Nusung Nu le pa u le nau hmuh lonak hmun ah nungak cingling lio i khua va sak cu naa harh hrim hrim ko lai. Na nu la na pa na ngai tuk hna lai zong a fiang. Nu le pa lei in thazaang an in pe maw? Na duhthimnak ah chungkhar lei in zeitin an ruah?

M Sui Ruahnak tete an ka cheuh ko. Zung rian na ṭuanmi in CDM na tuah ahcun a za ko an ka ti bal. Nain hmai fong in caan le nunnak pek hi nu ka si caah an kan duhpiak bak lo. Asinain ka thisa nih dai tein um kho lo dingin a ka hnursuan caah hmai ka nor chih. A hnu ah cun Pathian khuakhan hi minung nih kan hngal kho lo. Bawipa remruat zong a si kho ko tiin thlacam tuin kan in bawmh peng lai, nang zong Bawipa i bochan bu tein cawlcang ko an ti i tha an kan pek ṭhan ko. Hawikom lei zong nih thazaang tampi a kan pek i lung a tho hringhran ko.

Nusung Na nu le na pa hrim upat awk an tlak tuk hrianghran ko. Na duhmi rawl le na duhmi tete na ei lonak zong cu a sau lai na si kaw atuah hin ei kho law zeidah na hawt bik? M Sui Hot pot le sabuti bak hme teh Nusung: Na sa duhthah a tlin tikah vuai cikcek in keimah nih kan dangh te lai tiah bia kan kamh. Cun, zei bantuk hi dah na rak tuah tawnmi ah na ngaih bikmi a si? hringhran ko.Nusung: A rauh hlan ah na duhmi na tuah khawhnak dingah Bawipa nih kan theihpiak ko seh. Dothlennak teinak ding caah na saduhthah a simi leng in hmailei tinhmi teh chim awk kan ṭha ve maw?

M Sui Immm Dohthlennak teinak hi ka saduhthah ngan bik cu sikaw, mah kan tei tikah khin ka cawnmi fimnak hmangin sianginn ah ka fa le fimnak ca chimh ṭhan ding hi ka chunmang bik a si ko. Nusung Kan ram kong ahhin Pathian hi minung bantukin hmaitonh tein biaruah khawh hei siseh law zeitin na hei ti hnga? M Sui Tutan dothlen nak hi kan tei i kan mah Chin miphun nih kanmah le kan ram Chinland ah mah tein khuakhan lairel nak kan ngeih i vawlei pumpi huap in a lam kip ah a ṭhangchomi miphun kan i lungrual tein kan ram sersiam ṭi dingah bawmhnak ka hal hnga.

 

 

 

Leave a Reply