Malaysia ah inn dot in atla i mual a kan liam taakmi kan farnu Sui Hlei Ṭial kongkau cu a ho cio paoh nih theih dihmi a si. Ramcung ramleng nih kan tuarpinak a lam kip in langhter cio a si. Tutan zongah Falam kan upa pakhat Salai Bawi Hlei Sum nih a ngaihchiatpinak le tuarpinak caah tiin hla dawh taktak a phuah.

Salai Bawi Hlei Sum nih Sui Hlei Ṭial philh lonak hla a phuahmi cu amah Bawi Hlei Sum le hlasakthiam Far Men Par nih an sak. An thiam taktak. A hlabia von ngaih cu mitthli a luang, a hlabia hrimhrim a ṭha kho tuk. Share in thazaang pe cio hna usih.

A hlahphuahmi hla bia-Miphun hnamdang lakah, Lunglo dairiai a hun cang cu, Sunghno a nui aan nem, Don hman a co ban lo thinlai a sun ana. An sumthang run pan in dairiai cang hnu a tlung, Sangkaa ongu a neilo rethei fahniang riahrun a vai.

Khawhra vandeng a thang riakmaw va riahrun tong locu, Khuanui lairel a si ko e vun ti mei a har fualfo. Anaa a kha thin muril feibang in a sun To mei thei lon seino rualmi zonzai nui tonmi ruangah,

Hi bang khawhra vanhnuai ah a um dah kel maw, lungmol duahdo sunghno mi hrang a va kha em Milai ih hnem theilo mi retheifa kan ton mithil hi, Cung Pathian na kutcak thlirin na hmai ah kan kun.

Zo saw hi bang hi tuar thei um ding, Mawhsiat hlah uh-Sunghno a nui zohmi fahniangte misual ralkaihmi men bang. Mi rethei mizonzai-kan can hi e ziangtitha vancung ramnuam ah tin dai tei cawlaw.

Thawngpang thar-Naitan ah Malaysia ah inn dot cungin a tlak i a nunnak a liammi nungak Sui Hlei Ṭial cu malaysia in myanmar ram leiah a ruak tlunpi a si. Cuticun an rak tlunpi i, a chuahkehnak Thantlang ah an phak ah, Thantlang Covid-19 Main Committee nawlngeitu hna nih an rak kham hna.

Thantlang khuachung ah luhpi cu chim lo, Thantlan mual ah Lai phung tein a ruak vuiter an si lo. JCB in lamkam ah vawlei an cawh i, cuticun an phumter hna. Chungkhar lei nih nawlnak an tuah hnu hna ah, zaanṭim ah a ruak cu an cawh ṭhan i Thantlang thlanmual ah ṭhial ṭhan a si.

Ramchung, ramleng a ummi Chinmi kan lungfak dih cio. Cun, kan naunau Sui Hlei Ṭial bulhnak caah tiin, ramleng ummi nih bawmhnak tuah piak a si. Bulhnak caah tiin bawmhnak an tuahmi zong a chuakmi a ṭhahnem ngaingai. Bulhnak caah tiin bawmhnak an tuahmi an hmuhmi cu, tuni 2020 October 17 chun sml. 1:00 ah tlamtling tein a chungkhar sinah peek asi cang.

Tleicia nungak Sui Hlei Ṭial ngaihchiatnak hrawmpinak le bulhnak caah tiin bawmhnak an pekmi kong he pehtlai in The Chinland Post nih hitihin an taar langh,“The Chinland Post nih tleicia Nu Sui Hlei Ṭial (21) caah Ramchung/Ramleng Chin miphun nih ngaihchiatnak hrawmhmi (bulhnak) MMK 13,179,342 cu Hringtu a nu le Chungkhar sin ah tlamtling tein pekchanhnak tuah a si cang.

“2020 October 17 chun sml. 1:00 ah tlamtling tein tuah a si. Thantlang tuah mi pekchannak kong ah felfai deuh in thanh khawh chap kan i zuam lai,” tiah ramchung hrambunh media ngan pakhat a simi The Chinland Post nih cun a taar.