Nuhrin covo bu nganpi nih Joe Biden cu endorsed an tuah. Zeidang ruangah si loin Same sex marriage timi, nule nu, pale pa thit-umhnak asiloah ngeih khat thit-umhnak a pom ruangah US President si dingah kan duh an ti. Nuhrin covo bu hna nih cun an zumhnak nakin an covo kha biapi deuh ah an chiah.

Democrats pawl hi nau thah le nau hrawh a pomi an si. US ah hin kum khat ah nau thah le nau hrawh ruangah a thimi 295,000 an si. Coronavirus ruang i a thimi nak in a let thum renglo an si. Asinain CNN le Main stream media nih cun nau thah le nau hrawh i a thimi cazin hi an chim duh bal lo.

Pathian a zum lomi hna le Pathian a tih lomi, Liberal democrats nih cun Pathian a zummi pawl cu mi hrut, thei hngalhnak a tlawmmi tiah an ruah hna. Mah hna pawl ruangah US ah khrifha hna kan zumhnak an filter ngaingai. Credit: Salai Lairamthang

Admin hmurka: Salai Lairamthang cabia kan lak tikah kanmah nih a remcang ning tlang kan taar tawn. A ruang cu tlangtaar ngaingai a chiah lo caah kanmah nih a bia he aikalh lo dingin tlang kan taar tawn. Cucaah mipi nan rel tikah nan kan theihthiam piak lai kan nawl duh hna.

Pu Zo Tum Hmung nih Joe Biden kong a ṭialmi rak rel chih:Thawngpang Ṭha Taktak JOE BIDEN Nih A Phuan. Bernie Sanders aa din hnuah Joe Biden nih Sanders ruahnak a lak. President a tlin ahun policy ah a ser lai. 1. Medicare ngah dingin kum 60 ah a tthumh. (kum 65 tlin hnulawngah ngah a si). 2. Lahkhah a tlawmmi le sifak santlai lo chungkhar hna i fa le sianginn kaiman ngaihthiamnak program a ser lai. Hihi thawngpang ttha taktak a si.

Sianginn kai tikah tuition maan a fak tuk. Inn hlan man a fak tuk. Cozah sinah cawi in Sianginn dih tikah cham a hau (ka sianginn kai leiba kum 10 reng lo ka cham). Mingei le khua a sa kho deuh fa le caah lungretheih ding a um lo. Sianginn tthattha ah admission hmuh ko nain, a kai kho lo an tam, retheihmi chungkhar caah.

Nain, atu cu sifak santlai lo fa le caah khua a deng ve cang lai, Biden president a tlin ahcun. Kannih Chinmi ca ko ah a ttha khun. Kan fa le camthiam tampi an chuahnak lam a awng deuh cang lai. “Thursday to lower the eligibility age for Medicare to 60 and to expand student debt forgiveness programs for low-income and middle-class families. Credit: Pu Zo Tum Hmung

Thawngpang dang rak rel chih:Hawile hna, Pres. Trump a chambaunak kong an ttialmi articles tete kan hrawm hna. Hi bantuk hi kan caah lessons ttha ngai a si. U.S. politics hi a thuk, a sang. Mah bantuk tete zoh ah hin lung a fiang deuh rua ka ti. Fox le CNN lawng zoh ding a si lo. Kaphnih zoh a hau. BBC, Guardian, AP ti hna zong zoh chih an hau. Cun, atubantuk articles hna hi rel ahcun theihhngalhnak tampi aa chap tiah ka ruat.

Trump nih a president sinak cu dictatorship ah a ser cang. U.S. democracy umtuning, federal umtuning vialte zoh tikah Pres. Trump nih America a hruaining hi dictatorship phunkhat cu a lo ko tiin ti khawh a si. Dictatorship timi cu Russia i Vladimir Putin, China i Xi Jinping le Kawlram i Ne Win, le Than Shwe hna bantuk khi an si.

Demoracy ramah cozah branch pakhat le pakhat kar lakah checks le balances an um. Independent Oversight a um. Dictators hna nih an duh lo ngaimi cu checks and balances, le Independent Oversight hna hi an si. “Trump has stripped away the levers of independent oversight until there’s nothing left. Our democracy is in the midst of a three-alarm fire”. Zo Tum Hmung