Nufa Hna Nih US Dollar Tam Ngaite An Hmuh Manh Nain Anmah Kut Ah A Phan Lai Lo

Chin News

Nufa Ca ah Nan Hlutmi Phaisa Tling Tein Khirh Than Nan Si Lai: Yangon ah kumkhat fai a fapate he kutdok in an um ti ruang ah zaangfahnak le zawnruahnak he ramchung ramleng Chinmi 200 leng nih Sangte le a fapa caah bawmhnak nan pekmi tangka cu tlawttlau lo tein khirh than viar ding in Fund tawlreltu nih thawngthanhnak an tuah tiah Chinjournal media nih a phuan.

Zawnruahnak nganpi he nufa hna ca ah Gofundme ah tlawm a kholhpiaktu hi David Ngun Tho a si i, suimilam pahra chung $6600 leng Chinmi nih an thawh. Myanmar tangka in cun ting 100 hrawng a si. Asinain, Sangte le a fate cu Laitlang lei ah tlun loin Yangon Aung Mingalar Bus Station in an tlau.

July 23 zinglei ah Laitlang tlun ding in Yangon i Kawl zatlang bu Shwe Kyar nih zeizongte an tawlrelpiak. A tlung rua tiah an ruah nain July 23 chun sml. 12:00 hrawng ah pa pakhat he Yangon, Sule kiangkap ah Sangte cu an.

Sangte le a fate a bawmtu Shwe Kyar zatlang bu tuanvo ngeitu nu nih, “Mihlenghmang a si kha nu kha. Tangka 120,000 dih in kan bawmh i Laitlang ah a tlung lo. A kan hlen” tiah a chim. Cucaah, Chinmi pawl nih bawmhnak nan pekmi vialte zong nan peknak Card chung ah a ning tein a rak lut than lai. Mah belte 1-3 chung a rau lai, tiah tuanvo ngeitu David Ngun Tho nih a chim. Chinjournal

Leave a Reply