Nu Le Pa Ngei Lo Ngakṭah Riangvai A Zohkhenhtu Kan Unau Nih Mual A Kan Liam Taak Ee Ngakṭah Ruunrual Zaangfak Tuk An Si Ee

July 19-2019 zinglei suimilam 2:40am ahkhan Champhai i ngakṭah zohkhenhnak Gennesaret Gospel Home Mother (ngakṭah/mivialte i an nu) asimi nih Cancer zawtnak ruangah mual a kan liam taak tiah theih asi. Nu le pa ngei lomi ngakṭah riangvai hna caah zeitluk in ah a fah laimu. Ka nu tiah nu le pa ngei lomi ngakṭah nih an auhmi cu atu ah cun ka nu tiin au ding zong an ngei ti lo. A poi tuk hringhran ko ee. Ngakṭah zawnruah zaangfak taktak an si ko.

Hi thawngpang hi atunai lawngah kan hmuhmi asi. Thawngpang kan laknak hna nih asining konglam zeihmanh ṭial chapmi an ngei ti lo. A chuahkehnak a khua le a min kan von langhter khawh lo caah careltu sinah ngaithiam kan von hal hna. Thil sining zohin le dothlatin asi khawhnak in thangthanh khawh kan von i zuam ṭhan lai.

Atu bantuk nu le pa ngei lo, ka nu ka pa tiah kawh au awk a ngei ti lomi ngakṭah riangvai hna a zohkhenhtu le cawmkengtu nih mual  a kan liam taak tuanhmi hi cu sian an um hrimhrim lo. Midang nih ṭuan awk asi ti le ṭuan herhmi rian asi ti thei ko buin a ṭuan khomi le ṭuan duh lomi an um lioah, hibantuk in ngakṭah hna zawnruahnak le dawtnak lungthin taktak he azohkhenhtu mual a kan liam taak ahhin cun philh awk hrimhrim an ṭha lo. Tantaakmi chungkhar Bawipa nih an ngaihchiatnak chungin hnem hna sehlaw, a kal taakmi hna ngakṭah ruunrual hna zong Bawipa nih zohkhentu ṭhan hram ko hna seh! Source: MWN