Nu Cu Khrihfa Bu Hruaitu Ah Rian Khinh Nan Si Lo – Rev. Hoi Cung Tum

Sermon

Nu Cu Khrihfa Bu Hruaitu Ah Rian Khinh Nan Si Lo – Rev. Hoi Cung Tum

Image result for hoi cung tum laitlang si ning

Khrihfa bu chungah nu nih pa bantukin nawlngaih an duh tuk ahcun cu Khrihfa bu cu a rawk zau lai tinak a si. Nulepa hi Pathian nih a kan thleidannak a um lo. Asinain rian a kan khinhmi aa khat lo. Kan rian le kan ttuanvo aa dang. Rian i dan hi thleidan a si lo. Khrihfa bu hi vawlei kal ning in kal lo ding hi a biapi taktak. Hihi Bible ah kir le fian a biapi tuk. Bible hi aa kalh lo. Video

Kan Fale Hi Kum Zeizat An Si In Dah Pathian Kong Kan Cawnpiak Hna Lai Timi Kongah Billy Graham Bialehnak Hi Rel Ve Hrim

Biahaltu: Kum 4 ka fapa nih Pathian kong a ka hal lengmang. Zeitin dah ka chimh lai ka thei lo. Pathian kong theih ding in a hngakchia tuk rih tiah ka chim bal lo, asinain a lungtling lo i, a kan hal chih lengmang. Zeitin dah ka chimh lai?

Rev. Billy Graham: Na fapa nih Pathian kong theih a duhnak cungah naa lawmh lehlam ding a si. Bia an halmi hi zeirel loin umpiak hrim hlah zeicatiah kan fale caah a biapi tukmi kan tuah khawhmi cu Pathian an zumhnak thawnter chin lengmang hi a si.

Na fapa sinah Pathian kong na chimhmi vialte hi a thei kho dih lai lo. Asinain tlawmpal cu a theih ko lai. Pathian a hmuh khawh lo hmanh ah Pathian a um timi cu a theih khawh ko lai. A kan sertu a si timi cu a theih khawh ko lai; zeizong vialte sertu a si ti zong a theih khawh ko lai. Pathian nih a ka dawt i, a ka um pi zungzal ko timi zong a theih khawh ko lai.

Kan thih tikah Pathian sinah kan kal lai i, zungzal in kan um ti lai timi zong a theih khawh ko lai. A luan cia kum 2,000 ah vancung in Pathian a rungtum i minung ah a cang timi zong a theih khawh ko lai; Cu minung cu Jesuh Khrih a si ti zong a theih khawh ko lai; a kan dawt tuk ti zong a theih khawh ko lai; kanmah khamh awk le bawmh awk ah a rami a si ti zong a theih khawh ko lai.

Bible nih ‘hngakchia kha ka sinah ra ko hna seh; kham hna hlah u, zeicatiah Pathian pennak cu mah hna bantuk ta pei a si’ tiah a kan chimh (Mark 10:14). Hngakchia Bible tuanbia cauk cawkpiak law ni fatin in hmunkhat ah rel pi lengmang. Thla zong campi lengmang. Jesuh Khrih a zumhnak ah a thang chin lengmang ko lai.

Jesuh nih ‘Thlaici vialte lakah a hme bik a si, sihmanhsehlaw a ṭhan tikah anhringso kung vialte lakah a ngan bik a si. Thingkung ah a hung cang i a nge ah khan va zong nih bu an ser,” a ti. Cucaah na fapa nunnak ah Pathian kong chimh hi daithlang hrimhrim hlah. Pathian kong le a Bia nih a nunnak ah hmunhma a lak kha a biapi tukmi a si. Ref: Billy Graham.

Leave a Reply