Nu Cheukhat Cu Inn Man Pek Awk An Ngeih Lo Ruangah Inn Ngeitu Nih An Sualpi Hna

Thawngpang

Covid-19 pulrai zawtnak ruangah inn i erh cio a si. Cuticun inn chungah i erh cio a si tikah US le UK hoi hna ah cun inn hlan man pek awk ngeih lo ruangah inn hlan man nupa sinak tuahpi (Sex for rent) timi a tam ngaingai tiah theih a si. Lockdown ruangah rianṭuan awk a ngei lomi nu tampi cu awlokchong vansang in an um ti a si.

Inn hlan man pek awk an ngeih lo ruangah inn ngeitu hna nih nupa sinak an hmanpi tawn hna tiah theih a si. Ram cheukhat ahcun lockdown hlanpi cheukhat inn ngeitu nih cun an rak thawk cang ti a si. National Fair Housing Alliance  nih a tarlanghning ah cun Covid-19 chungah nupa sinak sualpinak 13% in a karh ti a si.

Nu pakhat nih NFHA hna sinah a chimmi cu “Ka ihpi lo cun inn a ka chuah ding le a si fawn. Cu lawng hlah keimah le ka fate lawng kan si tikah keimah lawng nih ka fa ka zohkhenh i duh thimnak dang ka ngei lo. Inn man pek awk le ka ngei fawn lo. Cun, inn hlan loin le um awk a ṭha fawn lo,” tiah a thilmi kong cu a chimh hna.

Nu tampi cu sifah retheih ruangah le rianṭuan awk ngeih lo ruangah inn hlan man aiawh an nuamhhainak an tuahpimi hna cu nawlngeitu hna sinah report a tuah a ngam lo tiah nawlngeitu cheukhat nih cun an zumh cang. Cu ruangah ram cheukhat ah cun a cozah nih Covid-19 chungah inn hlan man ṭumter dingin timhlamhnak an ngeih liopi a si. Chirhchan: Shweman

Leave a Reply