National Reconciliation and Peace Center NRPC nih a luancia mi ah COVID-19 Zawtnak Hrik Runvennak caah harsatnak a tong mi CNF/A hna bawmhnak king 75 Ks bawmhnak an rak pek mi hna Kong ah CNF/A nih an hmuh le hmuh lo zeihmanh thawngthanhnak an tuah hna lo caah NRPC nih Nan hmuh le hmuh lo thawngthanhnak Kan tuah uh tiah cathanh an chuah hnawh hna mi cu July thla 24 ah Mizapi hmuh ding in an phozar mi cu a poi taktak.

Ram le Miphun ca ah rianṭuanmi an si bantuk in bawmchantu hna sinah lunglawmhnak or kan hmuh nan bawmhnak tiah thawngthanhnak an tuah lomi kongah bawmchantu hna nih Cathanh bantuk an chuah hnawhmi hna cu an rianṭuannak ah dawnkhantu ngaingai a si lai tiah zumh a si.

Hi bawmhnak an pekmi hna cu CNF/A hna nih tlamtling in an hmuh le hmuh lo thawng fiang in theih a si rih lo. A ruang cu bawmhnak a petu hna nih nan hmuh le hmuh lo thawngthanhnak rak kan tuah ulaw tiah Cathanh an chuah. Atu bantuk Tangka bawmhnak an pek mi cu CNF/A lei in bawmhnak an halmi si loin National Reconciliation and Peace CenterNRPC lei nih bawmhnak an pekmi a si tiah theih an si.

Asinain July thla 24 ah NRPC nih bawmhnak kan in pekmi hna nan hmuh le hmuh lo thawngthanhnak kan tuah cang uh tiah anmah Chungṭuan hna nih Cathanh an chuah. Hihi CNF/A hna ca ah zoh dawh lo ngaimi a si. Hmaileiah NRPC nih bawmhnak an pek ti hna lai maw pe ti lo ti nal chim awk ṭha an si lo tiah NRPC lei nih an chim chap.