Admin||04 Vaupi 27-2020|| North Korean dictator Kim Jong Un kong ah biachokvai tampi ttial le thanh cio a si. A thi maw a thluak dah ai din a silo ah a damko dah timi kong ah biachokvai tampi an um. Hi kong he pehtlai in Kim Jong Un hi a thi taktak maw, a thluak dah a thi a silo ah a dam huar ko dah timi ah cun zei bantuk Asian media dah na zumh timi ah ai hngat tiah New York Post nih an ttial. Nihchuak zong a si pah ve.Hong Kong boradcast network nih nirukni ah khan Kim cu a thi cang e tiah zumhawk a tlak bakmi chirhchan very solid source in an chim. Japanese magazine pakhat nih cacawn ningani ah khan an Kim hi tisik-anhnah bantuk in a nun ai corhter tthan a vegetative state ti a si. Tisik-anhnah ciinnak a inn ah a um ko. Cuhlan bantuk te in zei paoh a um dih i a ttha ko tiah North Korean media nih an thanh ve. A dang pakhat than ve ning ah cun Beijing Community Party senior pakhat nih Kim hi kan hnu operation ai thuah thok khan ai ningcang ti loh. A kut hna a thir ngaingai cang ti a si.

Pu Kim hi kan hnulei sinni i a voi 88 nak Korean People’s Revolutionary Army thawhkehnak lawmh a si lio khan a lang ti loh. Tuzarh thokka ah khan President Trump nih Kim a zaw tiah a rak chim. US intelligence pawl nih an chimmi cu a cozah hna nih faakpi in a zaw timi kong zeihmanh an chim loh tiah an chim. Chnese sii lei a thiammi pakhat nih Japanese magazine ah a chimmi cu thla thokka ah khan khuatelei a tlawnnak ah a tlu i a ttang ai khawn. Doctor pakhat nih a zuanhnawh i Kim cu CPR tuah in an pawngkam ah a ummi hospital pakhat ah an luhpi tiah a chim.Pu Kim a thih le a nun kong biathli cu a hung thang chin lengmang cang. An chimning ai dang cio. A thih taktak le thih taktaklo cu North Korea state media hna nih an thanh tik lawng ah ai fiang te ding khi a si cang. Zei ruang ah dek hi kong an thanh bal hnga lo. North Korea i mah va kal hmanh ah a cozah nih an thanh dah tilo ah cun zeihmanh na theih kho taktak hlei lai loh tiah David Maxwell nih a chim. Ref:NYPost