NOBEL PEACE PRICE HMUHCO TU TAZA CUAI RILMAL CU AW! Vawlei pumpi Dindei nak laksawng rolling a hmuhco tu, Nuhrin Covo abuar tiah taza cuai le laksawng chutṭhan cu, tulawng ka theih bal. Vawlei cung tuanbia ah aum bal lailo. Khoika ram hmanh ah aum bal lai lo. Kawlram lawng ah aum mi asi rua. Kawlram cu chiatnak lei poah ah pei pakhat nak kan si peng lai hi ta? Vawlei ahmun chung ahmun ve ding mi Tuanbia asi. Apoi tak Unau hna.

Taza Cuainak aruang: Rohingya 730,000 Exodus in ralzam nak le miphun hloh thahnawn nak. Nuhrin covo a buar mi Ralbawi hna kha thlauh loin daitein DASSK le Tamada (3) hna an um caah asi. Daitein umcu misual kha thazang pek asi. “Silence means Agree” timi dai tein um cu ka hna atla tinak asi tiah a hmuh an tuah hi asi ‘အမှုဖွင့်. 2008 phungning in Ralkap nih an buar mi Upadi kha, kham nak nawl cu aum lo. Nain DASSK le Tamada hna nih hi bantuk nan tuah awk asi lo tiah an thlauh hna lo caah asi. Azoh sawh hna ati. Kawlram Ralbawi hna le NLD uktu / Hruaitu hna nih Ram pakhat i a kokek nawlvo kha a hnursuan caah kan el lai. Angah lo tiah an leh ve hna.

UN -WHR lei nih anleh ve ning ahcun: Kawlram hruaitu NLD upa hna cu zeidah kan chimh i kan tuah tikha an hngalh kho hrim lo. Tuaktan nak lei ah an chambau tuk hrinhran. International law hrim hi an theih baklo. Zangfah lehlam khi tiah an ti phah cang hna Ref; Pung ah aum lai. Hi bantuk Taza cuai nak cu, mi pumpak kha asi. Nihrin covo le miphun covo a buar cuah mah ko mi kha thlauh loin, dai tein an um, sual nak kha thuh le khuh, ka sual lo tiah I zuk phiar mi kha, International Law nih a cohlan kho lo ti asi ve. NLD upa hna le Ralkap hna I chimh mi kan lehkhan lailo ti kha tazazi zung ah a ngah lo mi asi.

Federal Za Uk pennak le Federal Democracy cu chimhlo, Democracy dikthlir mi ah a kal cuah mah mi nih hibantuk Nuhrin covo le Miphun covo an buar ti hi theih ahar ngai mi asi. Aum zong aum bal theng mi asi lo. Cucaah tulio cozah nih hin Tlangcung mihna kan chunmang le saduhthah asi mi Federal pennak le Federal Democracy ah an kal pi khawh lai tihi Vawlei pi nih an zumh tilo. Akal kho bik ah Social Democracy ukphung tiang lawng asi lai an ti cang. Unitary timi Siang pahrang Ukpen nak hmanh a chuak kho tiah Vawlei pumpi le UN pi zong nih an zumh dih cang.

Unau nang tah zeitin na ruah? Naruah nak hung chuah pi ve. Kan Lairam ṭhancho nak le Zauk pennak ngah tuan ding ah. Ralkap le Phunghrampi kha Ritdonh le Ritkuan ah hmang lo in, hi pa hnih pin lei ah tuahser khawh mi policy le laws ningin, Comments pek cio sih tiah kan sawm hna. UN pi le Vawlei pumpi nih Federal Democracy ah kal pi khotu ding miphun hna le Party hna an um tiah an zumh mi hna anum. Nain fawituk in kan chimh sian ti hna lo. Na ruah nak tu rak chuah ve. Tazacuai mi hna: Daw Aung San Suukyi, Tama hlun 3 asi mi hna – U Thein Sein, U Ṭin Kyaw, U Win Myint le Min Aung Hlaing & Ralbawi dang hna.

Taza cuaitu: WHR ‘World Human Rights -Vawlei pumpi Nuhrin Covo SPH zungpi Fortify Rights 45 bu timi Niki Diamond hruai mi hna hi abia pi acawl cang ding ansi lai. Kawlngian cun Niki Diamond hi kat hna sehlaw an luat men lai. Human Rights ‘Nuhrin Covo’ ah cathanh ‘Articles 45’ aum mi min kha zulh in Fortify Rights- 45 covo tiah min pek ansi. Tazazi zung: Argentina timi Bawlung Chuih minthang Messi te ram ah asi lai.

Ahlankan in ICC ‘International Criminal Court’ ah Biacieh ding mi Kawl Ral bawi hna: Senior General Min Aung Hlaing, Commander-in-Chief 2 General Soe Win, Deputy Commander-in-Chief, Vice Senior -Commander, Bureau of Special Operations-3, 3 Lieutenant-General Aung Kyaw Zaw, Commander, Western Regional Military Command, 4 Major -General Maung Maung Soe, Commander, 33rd Light Infantry Division, 5 Brigadier-General Aung Aung and Commander, 99th Light Infantry Division, 6 Brigadier-General Than Oo. Tangah Film kan chiah piak hna; Aw in ngai khawh asi. Feibuk I nachiah mi napung kahman hna. Hung kangai thiam uh. Lairam le Miphun Daw ve tu, nan Unaupa, Saya Rung Kaw. KAWLRAWN IN.