Chinmi/Laimi nih Gospel Singer kan i ngeihmi hna hlasakthiam Bawi Thiang Bik le Naomi Par Tha Sung hna cu March 22/2019 ahkhan a thitumhnak puai an rak tuah i February 12-2020 ah fapa rosung lawi Bawi Tha Thang an rak ngeih. An fate zong a chuak thiam ngai i duh a nung taktak. Tutan ah hringtu a nu Naomi Par Tha Sung a fapa a dawtnak a kong a ṭialmi rak rel ve. Aṭha kho taktak.

Hringtu a nu Naomi nih a ṭialmi cu “Ka dawt ka chungchuak ka fa. Arfi hna nih khin Thlapa Ai dawh nak an langter chin bang in kei ka Nunnak a dawh ter chin tu cu ka dawt ka chungchuak ka fa nangmah hi na si. Pangpar hna nih Khin Pangpar duh ai dawh nak an lang ter chin bangin ,ka ngeihchiat nak ,Ka beidon nak hna cu lunglomh nak le nih nak ah a ka thlen piak tu cu ka dawt ka chungchuak ka fa nangmah hi na si.

Thlapa bang in A muisam ka zoh cim kho lo ka Dawt ka fa mithmai te kha ,ka caah cun ka thazang le ka cah nak na si ,Ka mitthli hna cu A dawh mi lungvar mansung ah na ser khawh. Ka Dawt ka chungchuak ka fa. Nanu caah fapa tha si zungzal ko. Nunu (BawiBawi Nunu ),” tiah a ṭial.

Credit: Naomi Par Tha Sung

Thawngpang dang rak rel chih: Nuhrin covo bu nganpi nih Joe Biden cu endorsed an tuah. Zeidang ruangah si loin Same sex marriage timi, nule nu, pale pa thit-umhnak asiloah ngeih khat thit-umhnak a pom ruangah US President si dingah kan duh an ti. Nuhrin covo bu hna nih cun an zumhnak nakin an covo kha biapi deuh ah an chiah.

Democrats pawl hi nau thah le nau hrawh a pomi an si. US ah hin kum khat ah nau thah le nau hrawh ruangah a thimi 295,000 an si. Coronavirus ruang i a thimi nak in a let thum renglo an si. Asinain CNN le Main stream media nih cun nau thah le nau hrawh i a thimi cazin hi an chim duh bal lo. Pathian a zum lomi hna le Pathian a tih lomi, Liberal democrats nih cun Pathian a zummi pawl cu mi hrut, thei hngalhnak a tlawmmi tiah an ruah hna. Mah hna pawl ruangah US ah khrifha hna kan zumhnak an filter ngaingai. Credit: Salai Lairamthang