NLD PARTY LE NLD ACOZAH CU BUDDHIST PHUNGKI SIN AH AP-NAK AN TUAH CANG

Avoi (12) nak Shwewaryaung Phungki Conference cu 25 September 2019 Mondalay ah an tuah i, India Diplomatics le NLD acozah nih an talpi ve hna. Dr. Zaw Myint Maung hi Mandalay Chief Minister asipinah NLD party Vice Chairman (Daw Suu Changtu asi) zong asi. Dr. Zaw Myint Maung nih Phungki Lu sinah a chimmi thil phun (3) hi ruah awk a um ngai.

1️. NLD party dihlak le Acozah kan zeizong vialte nanmah kut ah kan in ap cang hna. A herhning in rak kan chimhhrin ulaw rak kan cawnpiak u.. Kannih zong nih nan herhmi cu phungning tein bawmh khawh kan in zuam ve hna lai tiah a chim.

NLD party member le acozah an dihlak in Phungki cawnpiaknak le nawlngeihnak taang ah an chiah tinak asi. Chinram NLD zong an i tel ve hnga lo maw. Thuk deuh in hei ruat cio ko uh. 2️. Daihnak remnak (Peace) kan ser khawh rih lo caah Federal Democracy zong kan sersiam khawh rih lo..tiah a chim rih.

Daihnak ser hmasa i Federal Union ser cu asi kho lo ah ka ruah. A luu le a hram an i palh. Federal nih Daihnak aser khawh lai. Mah ti ning asi ahcun NLD nih Federal le Tlangcungmi kan covo cu sersiam piak khawhnak lam a pit cang tinak asi.3️.Kawlram cu Buddhist ram asi. Phungki zong Kawlram dothlennak ah a biapi mi nan si cu tuanbia zongah a um ko. tiah a ti hoi

Kawlram cu Buddhist tamcemnak ram asi tiah an ti tawn nain Dr. Zaw Myint Maung nih cun Kawlram cu Buddhist ram asi tiah ati bak ko khah. Mah bantuk ruahnak ruangah U Nu chan ah a buai cang i KIA hna a um cu zapi theih asi. 2020 Election teinak hmuh duh ruangah ah Biaknak le Ramkhel kha cawh an timh zong asi kho. Kan ruah khawhmi cu NLD cu Phungki sin ah an ap cang ti kha asi ko.

Ref: Jacop R. Thang & Sep 25, 2019 Myanmar Times